Tiktoker Bonamur (Umida Abdug‘afforova) Yashin TV YouTube kanaliga bergan intervyusida bloger va aktyor Ozod Xurramov bilan ikki yil sevishib, ma’lum sabablarga ko‘ra ajrashib ketgani haqida gapirdi.
“Orani men ochganman. Jinniligim bo‘lganmi, aytganimdek, voz kechib yuborishim oson. Ko‘p urushar edim, gap-so‘zlarga ishonib qo‘ydimmi, bilmadim. Hozir munosabatimiz yaxshi, salom-alik qilib turamiz. Ozod aka juda ham zo‘r inson”, – deydi Bonamur.
“Ko‘pchilikning nazarida sizni u tashlab ketgan, bilasizmi?”, – degan savolga Bonamur shunday javob beradi:
“Hech kim hech kimni tashlab ketmadi. To‘g‘risini aytaman, gap-so‘zlarga ishonib, ularni ‘blok’ qilib qo‘ydim, bilmasdan. Keyin ular hayron bo‘ldilar. Gaplashmadik shu bilan. Lekin 3-4 kundan keyin yozdilar yana. Nima bo‘lgani to‘g‘risida aytdim. ‘Bonu o‘zingni yo‘lingdan ket’ dedilar. ‘O‘zingizni ehtiyot qiling’ dedim. Bo‘ldi, shu bilan oramiz ochildi. Ammo hozir salom-aligimiz bor. Lekin men ularni, ular meni tashlab ketdi, degan narsa, umuman, bo‘lmagan. U yo‘q narsa”.
Shuningdek, Bonamur o‘rtalaridagi munosabatning uzoq muddat sir tutilib, keyin ommaga oshkor bo‘lgani haqida ham gapirdi.
“Bilmadim, meni deb bo‘lgandir. 2 yillik muhabbatni shu paytgacha berkitib kelar edik. Keyin bildirishimizga urushib qolganimiz sabab bo‘ldi. Orada ular bilan urushib qolgan edik, keyin yarashganimizda o‘z-o‘zidan chiqib ketdi. Uni maslahatlashib o‘tirmadik. Birdaniga chiqib ketdi”, – deydi Tiktoker.
Izoh (0)