Қиймага анор соуси қўшиб, бақлажондан антиқа егулик тайёрлаймиз

Саримсоқ ва турли зираворлар қўшиб тайёрланган начинка печда пишган бақлажон таъмининг янада мазали бўлишига ҳисса қўшади.

Керакли маҳсулотлар:

• бақлажон — 3 дона;
• зайтун ёғи — 4—5 қошиқ;
• саримсоқ пиёз — 4 дона;
• қийма — 500 г;
• ёнғоқ — 80 г;
• туз, мурч;
• анор соуси — 80 мл.

• Узунасига ярмидан бўлинган бақлажонларнинг устини пичоқ билан тўр шаклида тилиб чиқинг.
• Сабзавот устига 2—3 қошиқ ёғ суртиб, 180 даража қизиган печга 30 дақиқага қўйинг.
• Ёғ солинган товада майдаланган пиёз, кейин эса саримсоқ солиб қовуриб олинг.
• Қийма қўшинг ва яхшилаб қовуришда давом этинг.
• Тахминан, 10 дақиқадан кейин майдаланган ёнғоқ, туз, анор соуси ва мурч қўшинг.
• Аралаштиринг ва яна 5 дақиқа пиширинг.
• Печдан бақлажонларни олинг, санчқи билан устини бироз эзинг ва қовурилган қиймадан солиб чиқинг.
• Исталган соус билан қўшиб ейишингиз мумкин.