Озарбайжон Мудофаа вазирлиги Арманистон ҳудудидан мамлакат қуролли кучларининг позициясига ўт очилганини ва мазкур ҳаракатга жавоб қайтарилганини маълум қилди, деб ёзмоқда «ТАСС».

Фото: «ТАСС»

«16 июль куни соат 20:40 дан 22:30 га қадар (Тошкент вақти билан 21:40 дан 23:30 га қадар) Арманистон қуролли кучлари бўлинмаси ўз позициясидан туриб Басаркечар туманининг Юхари Шоржа қишлоғига ҳамда 17 июль куни 01:00 да (Тошкент вақти билан 02:00да) Бердск туманининг Мосесгех ва Товуз туманининг Агдам қишлоқларига қуролли ҳужумлар уюштирган (иккала туман ҳам Арманистон билан чегара ҳудудда жойлашган)», – дейилади вазирлик баёнотида.

Бундан ташқари Озарбайжон мудофаа вазирлиги берган маълумотларга кўра 17 июль куни соат 09:30 да Ведий туманининг Араздеен қишлоғидан туриб Нахичеван автоном республикасининг Садарак туманидаги ҳарбий объектларга турли калибрдаги қуроллардан ўққа тутилган.

«Ўт очишнинг фаоллигини бостириш мақсадида мазкур ҳаракатларга нисбатан жавоб қайтарилган», – дейилган хабарда.

Мудофаа вазирлиги Озарбайжон қуролли кучлари ҳарбийлари орасида ҳалок бўлганлар йўқлигини билдирган.

2020 йил кузида Тоғли Қорабоғ атрофида кузатилган Арманистон ҳамда Озарбайжон ҳарбийларининг қуролли тўқнашувларидан кейин Тоғли Қорабоғга қарши еттита туман Боку ихтиёрига ўтган Сюникск ва Гегаркун вилоятлари арманларнинг озарбайжонлар билан чегара ҳудуди деб ҳисоблана бошланган. Вазият 2021 йил 12 майда яна кескинлашган. Шундан буён икки томон янги қуролли тўқнашувлар, кўнгилсиз ҳодисалар содир бўлаётгани ҳақида хабар бериб турибди.

Арманистон бош вазири вазифасини бажарувчи Никол Пашинян Европа кенгаши раиси Шарль Мишель билан биргаликда иштирок этган матбуот-анжуманида Озарбайжоннинг Тоғли Қорабоғ ва арман-озарбайжон чегарасида янги қуролли тўқнашувларни бошламоқчи эканини айтган.

Фото: «ТАСС»

«Норасмий манбалардан келиб тушган ахборотларга кўра Озарбайжон Артсах (Тоғли Қорабоғ) ва Арманистон—Озарбайжон чегарасида янги ҳарбий тўқнашувлар бошланишига сабаб бўлиши мумкин. Нахичеван ҳудудидаги воқеалар ҳам бу содир бўлиши мумкинлигини кўрсатмоқда. Озарбайжон томонидан қилинаётган бу каби салбий ҳаракатлар чегарани делимитация ва демаркация қилиш ишларини амалга оширишга тўсқинлик қилмоқда», – деган Пашинян.