Британиялик миллиардер Ричард Брэнсоннинг Virgin Galactic компанияси ҳамда Omaze хайрия йиғиш платформаси суборбитал тижорий парвоз учун иккита чиптани лотереяга қўйди. Бу ҳақда Meduza хабар берди.
Хабарга кўра, ўйин 1 сентябрга қадар ўтказилади. Унда ғолиб бўлган бир кишига иккала чипта ҳам берилади. Ўйин ғолиби, тахминан, 29 сентябрь куни эълон қилинади.
Ўйинда қатнашиш бепул, аммо хайрия мақсадларига йўналтириладиган фондга 10 доллардан 100 долларгача маблағ киритиш орқали ғолиб бўлиш имкониятини ошириб бориш мумкин.
Коинотга парвоз 2022 йилга режалаштирилган. Парвозга қўшимча равишда, ғолибга трансфер, меҳмонхонадан жой ва шахсан Ричард Брэнсон билан космодром бўйлаб экскурия ваъда қилинган.
Virgin Galactic компанияси асосчиси Ричард Брэнсон 11 июль куни VSS Unity суборбитал ракетопланида коинотга муваффақиятли парвозни амалга ошириб, космик туризм даврини бошлаб берди. У билан бирга икки учувчи ва яна уч нафар йўловчи коинотга чиқди. Парвоз яхши ўтди — кема мўлжалланган баландликка етиб борди, йўловчилар бир неча дақиқа вазнсизлик ҳолатида бўлди, шундан сўнг VSS Unity Ерга хавфсиз қайтиб тушди.
Мавзуга доир:
Изоҳ (0)