Эквадор ўқитувчилар миллий уюшмаси (UNE) беш кундан бери муддатсиз очлик эълон қилиб келмоқда. Акцияга 19 июль, душанбадан яна учта провинция қўшилмоқчи, деб ёзади «РИА Новости».
«Биз беш кундан буён очлик эълон қилиб келмоқдамиз, душанба кунидан бошлаб Котопакси, Санто-Доминго ва Имбабура провинциялари ҳам бизга қўшилмоқчи», — деди уюшма раиси Изабел Варгас матбуот анжуманида.
Айни пайтда акцияда жами 48 киши, жумладан ўқитувчилар, ўқувчилар ва ота-оналар иштирок этмоқда. Акция маданиятлараро таълим тўғрисидаги федерал қонун (LOEU)га киритилган ўзгартиришларни ҳимоя қилиш учун бошланган. Улар базавий ойлик маошни 1000 доллар қилиб белгилайдиган тузатишларни талаб қилмоқда. Ҳозирда ушбу миқдор 800 долларни ташкил қилади. Иштирокчилардан бири аллақачон касалхонага ётқизилган.
Аввалроқ Эквадордаги президентлик сайловларида собиқ банкир ғолиб бўлгани, Эквадор собиқ вице-президенти коррупцияга оид модда билан 8 йилга қамалгани ҳақида хабар берилганди.
Изоҳ (0)