Ўзбекистоннинг гўзал табиати ва дунёнинг турли бурчакларида 6 июль куни содир бўлган воқеалар акс этган суратларни намойиш этамиз.

Бошқирдистонда бўлиб ўтган Жаҳон Фольклориадаси қатнашувчиси.

Фото: «ТАСС»

Тошкент вилояти, Бўстонлиқ туманининг Шавуркўл кўли узра кезиб юрган булутлар.

Фото: «Дарё» / Мадина Нурман

Брюсселда экофаоллар Европа Иттифоқининг Энергия хартияси шартномасидан чиқишини талаб қилмоқда.

Фото: EPA

Мавзуга доир: Greenpeace: Европа Туркияни пластик чиқиндилар учун ахлатхонага айлантирди

Балида йўқолиб кетиш хавфи остида бўлган ҳайвонларни қутқариш кампанияси доирасида яқинда тухумдан чиққан тошбақалар океанга қўйиб юборилди.

Фото: AP Photo

Мавзуга доир: Техасда волонтёрлар аномал совуқдан азият чеккан 4 мингдан ортиқ денгиз тошбақасини сақлаб қолди

Тошкент вилояти, Бўстонлиқ тумани ҳудудидаги қорли тоғлар.

Фото: «Дарё» / Мадина Нурман

COVID-19 касаллиги Мьянмадаги Ракхайн штатида авж олишда давом этмоқда. Суратда юк ташийдиган кемаларни дезинфекция қилаётган кўнгиллилар.

Фото: EPA

Мавзуга доир: Россияда COVID-ўлимлар бўйича кунлик рекорд янгиланди, Мексика ва Ҳиндистонда «Спутник V» вакцинасини ишлаб чиқариш бошланди. Коронахабарлар

Бўстонлиқ тумани ҳудудидаги тоғли манзараларнинг вертолётдан олинган лавҳалари.

Фото: «Дарё» / Мадина Нурман

Аскарлар Венесуэла мустақиллигининг 210 йиллигини нишонлашга бағишланган ҳарбий парадда қатнашмоқда.

Фото: Reuters

Мавзуга доир: Уилл Смит АҚШ Мустақиллиги куни муносабати билан Янги Орлеанда мушакбозлик бўлмаслигидан хабар топгач, уни ўзи ташкиллаштирди

Францияда Канн халқаро кинофестивали очилишига тайёргарлик кўрилмоқда.

Фото: «ТАСС»

Осмонўпар бинолар фонидаги Сидней опера театри. Шаҳар ҳукумати локдаунни 9 июль кунигача узайтирди.

Фото: Getty Images

Мавзуга доир: Коронавируснинг дельта штамми туфайли тўлиқ локдаун ўрнатилган Сидней — суратларда

Нидерландия қироли Виллем-Александр ва қиролича Максиманинг Берлинга давлат ташрифи давом этмоқда.

Фото: EPA

Футбол бўйича Дания терма жамоаси ёш мухлислари футболчиларни Англияга қарши Евро—2020 ярим финалида иштирок этиш учун Лондонга кузатиб қўймоқда.

Фото: EPA

Мавзуга доир: «Олтин тўп» рейтингидаги кескин ўзгариш, Бразилия яна финалда ва «Барселона» билан судлашишга тайёр футболчилар. Энг сўнгги спорт янгиликлари

Болтиқ денгизидаги Пел оролида қишлоқ хўжалиги ишлари кетмоқда.

Фото: Getty Images

Париждаги мода ҳафталигида Dior коллекцияси намойиш этилмоқда.

Фото: EPA

Москвадаги «Гостиний Двор»да эмлаш пункти ишга туширилди.

Фото: EPA

Мавзуга доир: Тошкент вилоятида «Спутник V» вакцинаси ишлаб чиқарилиши мумкин

Индонезиянинг энг фаол вулқони Мерапидан оқиб тушаётган лава.

Фото: AFP

Талабалар Париждаги Родин ўрта мактаби бакалавр имтиҳон натижаларини текширмоқда.

Фото: AFP

Нагоядаги Фуқаролар галереясида Сакаэ бадиий кўргазмасида «Аёлга тасалли» — Япониянинг уруш даврида жинсий қуллик қурбонларини ифодаловчи қизнинг ҳайкали намойиш этилди.

Фото: EPA

Ташриф буюрувчилар «Шимол фариштаси» ҳайкалини томоша қилишга келмоқда.

Фото: The Guardian

Флоридага Эльза тўфони урилишига бир неча кун қолганда соҳилда балиқ овлаб ўтирган Алекс Родригез исмли балиқчи.

Фото: Reuters

Франкфурт четидаги туман билан қопланган майдон ёнидан қуёш чиқаётган вақтда ўтиб кетаётган автобус.

Фото: AP Photo

Божхоначилар Тошкент халқаро аэропортида ноёб судралиб юрувчи жонзотларни олиб чиқишга уринган шахсни аниқлади. У тақир тўгаракбош, гекконча, калтакесак, илон каби 35 бош ноёб жонзотларни тирик ёки музлатилган ҳолатда тамаки қутилари ичига жойлаганча олиб чиқаётган вақтида тўхтатиб қолинган.

Фото: Давлат божхона қўмитаси

Афғонистонлик киши ўз дўконида дам олиб, АҚШ ҳарбийларидан қолган иккинчи қўл буюмларни Баграм ҳаво кучлари базаси бўшатилгандан сўнг сотмоқда.

Фото: Reuters

Мавзуга доир: АП: АҚШ ҳарбийлари Афғонистондаги Баграм авиабазасини огоҳлантиришсиз тарк этган

Камбоджа бош вазири қароридан кейин уйда боқиб келинган шер Ёввойи ҳайвонларни қутқариш марказидан эгасига қайтарилаётган вақтда ит билан бирга ўтирибди.

Фото: Reuters

Сочидаги пляжда содир бўлган табиий офат оқибатларини бартараф этиш ишлари.

Фото: «ТАСС»

Малайзияда коронавирус билан касалланиш ҳолати кўпайгани сабабли ҳаракатга қатъий чекловлар киритилди ва комендантлик соати жорий этилди.

Фото: «ТАСС»

Аввалги кунларнинг фотогалереялари: