Дунёнинг турли нуқталарида 18 май куни олинган суратларни намойиш қиламиз.
Вашингтонда қизил кўзли сикада 17 йил ер остида яшаганидан кейин ер устига чиқди ва дарҳол ўлжага айланди.
Фото: EPA
Ҳиндистоннинг ғарбий қирғоқларига «Аждарҳо тили» номли кучли циклон урилди. Ҳозирча табиий офат оқибатида 20 киши ҳаётдан кўз юмган. Бир неча киши бедарак йўқолган. Ҳинд метеорологларининг айтишича, циклон охирги 20 йилликдаги энг кучлиси бўлади.
Фото: Getty Images
Тошкентга 18 май, сешанба куни ZF-UZ-VAC2001 вакцинасининг яна 1 миллион дозадан иборат навбатдаги партияси Хитойдан олиб келинди. Вакцина қутисида уни қандай ҳароратда сақлаш бўйича кўрсатма берилган.
Фото: ССВ матбуот хизмати
Мавзуга доир: Ўзбекистонда тўрт кунлик дам олишдан сўнг яна коронавирусга қарши эмлаш тадбирлари бошланди
Теҳронда Фаластинни қўллаб-қувватлаш акцияси вақтида намоз ўқиётган аёллар ичида юрган болакай.
Фото: EPA
Президент Шавкат Мирзиёев тиббиёт соҳасидаги ислоҳотларнинг Соғлиқни сақлаш вазирлиги, унинг вилоят, туман ва шаҳар қуйи бўғинлари ҳамда маҳаллий ижро идоралари томонидан қай даражада амалга оширилаётганига бағишланган видеоселектор йиғилишида ўзи учун керакли маълумотларни қайд этиб қўймоқда.
Фото: Президент матбуот хизмати
Мавзуга доир: Шавкат Мирзиёев: «1 октябрга қадар ҳудудларга мингта Volkswagen Caddy русумли тез тиббий ёрдам машиналари етказилади»
Италиядаги туроператорлар ҳукуматдан молиявий ёрдам сўраб кўчаларга чиқди.
Фото: EPA
Бангкокда буддист роҳибларни коронавирусга қарши эмлаш ишлари бошланди.
Фото: EPA
Ҳиндистон ғарбига урилган циклон оқибатида машина устига қулаган дарахт.
Фото: AP Photo
Испания ҳукумати муҳожирларнинг рекорд даражадаги оқимидан кейин армияни Сеута шаҳрига сафарбар қилишга қарор қилди. Шаҳар ҳудудига денгиз орқали кунига 5 мингдан ортиқ одам келган.
Фото: EPA
Бир неча ой давом этган локдаундан сўнг кафе ташқарисида қаҳва ичаётган эркак. Буюк Британия ҳукумати паблар, ресторанлар ва кафеларнинг қайта очилишига рухсат берди.
Фото: Getty Images
Льюис Хэмилтоннинг McLaren Mercedes МP4-25А пойга автомобили Лондондаги Sotheby’s кимошди савдосига қўйилди.
Фото: AP Photo
Мавзуга доир: «Формула-1» юлдузи Льюис Хэмилтон Porsche Taycan’да ҳаракатланиб, мухлисларининг ҳайратига сабабчи бўлди
Германиянинг Гамбург шаҳридаги Хагенбек ҳайвонот боғида яшайдиган она-бола туялар.
Фото: Getty Images
Фаластинликлар Исроил ҳаво ҳужумлари оқибатида вайрон бўлган уйлари харобалари орасида ўтирибди.
Фото: AFP
Мавзуга доир: Путин Фаластин—Исроил можароси фонида иккала томонни зўравонликларни тўхтатишга чақирди
«Лаборатория каламушлари кемадан қочишни бошласа, бу кема чўкаётганини англатади» деган плакатни ушлаб турган тиббиёт ходимлари. Марселда минтақавий соғлиқни сақлаш агентлиги биноси олдида лаборантлар норозилик намойиши ўтказди.
Фото: AFP
Исроилнинг ҳаво ва артиллерия зарбалари туфайли уйларини ташлаб кетган фаластинлик болалар БМТ тасарруфидаги мактабга жойлаштирилди.
Фото: Reuters
Ҳиндистон Соғлиқни сақлаш вазирлиги томонидан ҳужжатларни ўғирлашда айблаб ҳибсга олинган журналист Розина Исломни полиция судга кузатиб боряпти.
Фото: Getty Images
Ғарбий Соҳилдаги Наблус шаҳрида норозилик сифатида ёпилган дўконлар. Фаластинлик фаоллар Ғазо, Ғарбий Соҳил ва Исроилнинг араблар яшайдиган минтақаларидаги дўконларни Исроилнинг Ғазога ҳаво ҳужуми уюштирилишига қарши норозилик билдириш учун ёпишга чақирди.
Фото: EPA
Тайпэйдаги асосий станция ичига дезинфекцияловчи восита сепаётган ҳарбий хизматчилар йўловчиларни ташқарига чиқармоқда.
Фото: EPA
Исроил хавфсизлик кучлари ходимаси Қуддуснинг Эски шаҳар ҳудудидаги Дамашқ дарвозасида намойиш ўтказаётган фаластинликка қаршилик кўрсатмоқда.
Фото: Reuters
Мавзуга доир: АҚШ Исроилга 735 млн долларлик қурол-яроғ етказиб бериши маълум бўлди. Эрдўғон бунинг учун Байденни танқид қилди
Галерея ёрдамчиси «Дэвид Хокни: Баҳорнинг келиши, Нормандия, 2020 йил» номи билан қироллик академиясида очилган кўргазмада суратга тушмоқда.
Фото: AFP
Амстердамда қулларнинг танасига тамға босишда ишлатилган темир музейда намойиш этилди.
Фото: AP Photo
Ғазо секторидан учирилган ракетани Исроилнинг «Темир гумбаз» ракетага қарши тизими тутиб қолмоқда.
Фото: Reuters
Ҳомиладор исланд отлари Франкфурт яқинидаги наслчилик фермасининг яйловида юрибди.
Фото: AP Photo
Париждаги музейда визажист президент Байденнинг мум ҳайкалини пардозламоқда.
Фото: AFP
Россиянинг Тюмень вилоятида ўрмон ёнғинлари билан боғлиқ ҳолда фавқулодда режим жорий этилди. Айни пайтда умумий 18 минг гектардан ортиқ майдонда 23 та ўрмон ёнғини қайд этилган. Ҳокимият маълумотларига кўра, минтақада 10 йилдан бери бундай йирик табиий ёнғинлар бўлмаган.
Фото: «ТАСС»
Флоридадаги Майами-Бич пляжида волейбол ўйнаётган одамлар.
Фото: Getty Images
Аввалги кунларнинг фотогалереялари:
- Тошкентдаги жаз мусиқий кечаси, «Коинот гўзали» бўлган дастурчи қиз, асалари учун ажратилган 11 миллиард доллар. 17 май суратлари
- Исроилга қарши чиққан яҳудийлар, яшин урган филлар, кўринмас бойқуш. 14 май суратлари
- Дунё бўйлаб ўқилган ҳайит намози, Фаластинни қўллаётган яҳудий, ҳукуматдан норози «фаришта». 13 май суратлари
- Коронавирусга қарши сигир гўнги, Ғазога қилинган ракета ҳужуми, бир койкада ётган уч бемор. 12 май суратлари
- Тошкентда тайёрланган дунёдаги энг катта Қуръон саҳифаси, Исроилга «аталган» ракеталар, 3 ёшли сўфий. 11 май суратлари
- Ал-Ақсодан қувилаётган фаластинликлар, Каъбадаги тунги ибодат, Ўзбекистонда кузатилган ноёб табиат ҳодисаси. 10 май суратлари
- Камондан ўқ узаётган ҳоким, Исроил — Фаластин можароси, йўлакда ётган ҳамширалар. Ҳафта суратлари
