Самарқанд вилоятининг Паст Дарғом туманида 13 минг доллар эвазига фуқарога ер олиб бермоқчи бўлган солиқчи ва фермер хўжалиги раиси қўлга олинди. Бу ҳақда вилоят ИИБ матбуот хизмати хабар берди.
Маълум қилинишича, 17 май куни Паст Дарғом тумани давлат солиқ инспектори лавозимида ишловчи Б.Ж. ва фермер хўжалиги раиси Х.Б. Павловния кўчатини экиш ниятида юрган фуқарога Паст Дарғом туманидан 15 гектар ер майдонини 13 минг доллар эвазига расмийлаштириб беришни ваъда қилган.
Ундан сўралган пулларни фирибгарлик йўли билан қўлга киритаётган вақтида Самарқанд вилояти ИИБ ЖҚБ коррупция ва иқтисодий жиноятларга қарши курашиш бўлими, ДХХнинг вилоят бошқармаси ҳамда вилоят прокуратураси ходимлари ҳамкорлигида ўтказилган тезкор тадбир давомида қўлга олинган.
Ҳолат юзасидан Жиноят кодексининг тегишли моддалари билан жиноят иши қўзғатилиб тергов ҳаракатлари олиб борилмоқда.
Аввалроқ Самарқанд вилоятининг Ургут ва Булунғур туманида ер сотиш билан боғлиқ фирибгарлик ҳолатлари аниқланганди.
Изоҳ (0)