2021 йилнинг 1 октябригача ҳудудларга мингта Volkswagen Caddy русумли тез тиббий ёрдам машиналари етказилади. Бу ҳақда 18 май, сешанба куни Президент Шавкат Мирзиёев раислигида ўтказилган йиғилишда давлат раҳбари сўз юритди, дея хабар бермоқда «Дарё» мухбири.
Умуман, соғлиқни сақлаш тизимига ҳар йили бир неча триллионлаб маблағ ажратилади, халқаро кредитлар жалб қилинади. Ушбу ажратилаётган маблағлар самарасини ҳам аҳоли, ҳам давлат сезадиган тизим яратишимиз керак.
Бунинг учун ҳудудлар ва касалликлар кесимида сифат ва миқдор кўрсаткичларини белгилаш ҳамда тажриба тариқасида уларни баҳолаш тизимини, энг аввало, онкология ва гематология йўналишларидан жорий этишни бошлаш лозим. Масъул раҳбарлар бир ой муддатда мазкур йўналишлар бўйича алоҳида дастур ишлаб чиқсин», – деди давлат раҳбари.
Президент 1 октябрга қадар ҳудудларга мингта Volkswagen Caddy русумли тез тиббий ёрдам машиналарини етказиш зарурлигини қайд этди.
«Ҳудудларда 850 та хизмат муддатини ўтаган Damas (8 йилдан ошган) тез тиббий ёрдам машиналари мавжуд, шунингдек, аҳоли сонидан келиб чиқиб яна 170 та янги тез тиббий ёрдам машиналарига эҳтиёж бор», – деди Шавкат Мирзиёев.
Мавзуга доир:
- Шавкат Мирзиёев: «Ўзбекистоннинг 26 та туманида соғлом турмуш тарзига амал қилмайдиган ва нотўғри овқатланадиган 352 минг нафар болалар аниқланган»
- Шавкат Мирзиёев: «Хусусий тиббиёт ташкилотларига лицензия бериш тартиби соддалаштирилиб, жараёнлар тўлиқ рақамлаштирилади»
- Шавкат Мирзиёев: «Тиббиёт муассасаларини дори ва тиббиёт воситалари билан қўшимча таъминлашга 165 миллиард сўм ажратилади»
- Шавкат Мирзиёев олис ҳудудларга шифокорларни жалб қилиш ишлари суст олиб борилаётганини кескин танқид қилди
Изоҳ (0)