O‘zbekistonda 17-may kuni jami 61 546 kishi COVID-19’ga qarshi emlandi, deb xabar berdi Sog‘liqni saqlash vazirligi matbuot xizmati. Shulardan 14 989 nafari birinchi bosqichda, 46 557 nafar fuqaro esa ikkinchi bosqichda emlangan.

Foto: SSV matbuot xizmati

Hozirgi kungacha O‘zbekistonda koronavirusga qarshi 1 346 761 doza vaksinadan foydalanildi, ularning 236 660 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 110 101 kishini tashkil etmoqda.

17-may kunidagi emlash ko‘rsatkichlari bo‘yicha yuqori o‘rinlarni:

  • Farg‘ona viloyati (11073 doza);
  • Samarqand viloyati (7597 doza);
  • Namangan viloyati (6285 doza) band qildi.

Koronavirusga qarshi emlangan jami aholi soni:

  • Farg‘ona viloyatida 181285 doza;
  • Andijon viloyatida 165488 doza;
  • Namangan viloyatida 146623 doza;
  • Samarqand viloyatida 131268 dozani tashkil qilmoqda.

Eslatib o‘tamiz, Hayit bayrami munosabati bilan e’lon qilingan 4 kunlik dam olish kunlarida vaksinatsiya tadbirlari amalga oshirilmadi. Emlash jarayonlari davom etmoqda.