Иқтисодий тадқиқотлар ва ислоҳотлар маркази (CERR) мутахассислари апрель ойида автомобиль бозорида бўлган ўзгаришларни таҳлил қилди, деб хабар бермоқда «Gazeta.uz». Мутахассислар таҳлили автомобиль бозорида талаб кетма-кет учинчи ой барқарор ўсаётганини кўрсатмоқда.
Апрель ойида автомобиль бозорида аҳоли талаби март ойига нисбатан 14,1 фоизга ошди. Автомобиллар савдосининг ўсиши 2020 йил апрель ойига нисбатан 355,9 фоизни, 2019 йилнинг шу даврига нисбатан 19,6 фоизни ташкил этди.
Рўйхатга ва қайта рўйхатга олинган автомобиллар сони Тошкент шаҳрида (28,9 фоиз), Бухоро (31,4 фоиз), Сурхондарё (18,8 фоиз), Самарқанд (17,8 фоиз) вилоятларида тез суръатларда ўсган бўлса, Жиззах (6,0 фоиз), Хоразм (3,9 фоиз) вилоятларида пасайиш кузатилган.
2021 йил январь—апрель ойларида деярли 60 мингта янги автомобиль рўйхатдан ўтказилган. Уларнинг 2,9 мингтаси (4,9 фоизи) — «иномарка»лардир.
Чет элда ишлаб чиқарилган автомобиллар энг кўп сотилган ҳудудлар Тошкент шаҳри (янги автомобилларнинг 11,8 фоизи), Тошкент (5,6 фоизи), Самарқанд (3,3 фоизи) ва Хоразм (2,7 фоизи) вилоятлари бўлди.
CERR мутахассислари прогнозларига кўра, Ўзбекистонда автомобиллар бозорида кейинга қолдирилган талаб билан белгиланадиган ўсиш кутилмоқда. Олди-сотди шартномалари сони ўсишда давом этади ва маҳаллий рекордлар ўрнатилиши мумкин, лекин нархларда кескин ўсиш бўлмайди.
Изоҳ (0)