23:58, 22.04.2021 72222

«Қотил» Путин, АҚШ базасидаги ўзбек аскари, икки бошли бузоқча. 22 апрель суратлари

Дунё бўйлаб 22 апрель куни олинган суратларни тақдим этамиз.

Россиянинг Коммунистик партияси тарафдорлари Ленин таваллудининг 151 йиллигига бағишланган гул қўйиш маросимига кетмоқда.

Фото: Getty Images

Мавзуга доир: Социализм қурувчиси. 22 апрель — рус инқилобчиси ва йўқсиллар доҳийси Ленин туғилган кун

Калифорния штатининг Гилрой шаҳридаги Холлистер йўли бўйида айиқ костюмини кийиб олган лос-анжелеслик 33 ёшли Жесси Лариос. У ижтимоий тармоқларда маблағ йиғиш мақсадида шундай кийимда юрибди. Жесси йиғилган маблағларни қаерга хайрия қилишни ҳали билмайди, саёҳат якунлангандан кейин бу борада сўровнома ўтказиш ниятида.

Фото: Reuters

Америка Қўшма Штатларининг Миссисипи штатидаги Camp Shelby ҳарбий ўқув базасида бўлиб ўтаётган «Илғор жангчи» мусобақасида қатнашаётган ўзбек аскари.

Фото: Мудофаа вазирлиги

Нафас олишда муаммоси бўлган бемор Ҳиндистоннинг Аҳмадобод шаҳридаги COVID-19 касалхонасига олиб кирилишини кутиб, машина ичида ётибди.

Фото: Reuters

Мавзуга доир: Ҳиндистондаги COVID-19 касалхонасида 24 нафар одам газдан бўғилиб ҳалок бўлди (фото ва видео)

Шимолий Македониянинг Лазек шаҳрида икки бошли бузоқ туғилди. Бузоқнинг жуфт бош суяклари, икки жуфт кўзи, иккита оғзи, бир жуфт қулоғи бор ва бир вақтнинг ўзида икки оғзи билан сут ичади.

Фото: Reuters

Лондондаги Россия элчихонаси олдида россиялик мухолифатчи Алексей Навальнийни қўллаб-қувватлаш намойишида қатнашаётган аёл. Аёл қўлидаги баннерга «Путин қотил» деб ёзилган.

Фото: Reuters

Мавзуга доир: Бутун Россия бўйлаб Навальнийни қўллаб-қувватлаб ўтказилган акцияларда 1700 га яқин одам ҳибсга олинди (фото)

Франциянинг Сен-Пьер-де-Бресьё шаҳридаги кемаларни бошқариш бўйича ўқув марказида Brittany танкерининг кичрайтирилган моделини Сувайш каналининг кичик нусхаси орқали бошқариб кетаётган Port Revel компанияси раҳбари Франсуа Майер.

Фото: Reuters

Таиланднинг Патум Тани провинциясидаги Дҳаммакая ибодатхонаси яқинида одамлар Ер кунида Гиннеснинг рекордлар китобига кириш учун 330 000 дона шамни ёқди.

Фото: Reuters

Коронавирусга чалинган беморлар Сербиянинг Белград шаҳридаги COVID-19 касалхонасига айланган «Штарк Арена» спорт комплексида даволанмоқда.

Фото: Reuters

Мавзуга доир: «Диснейленд» вакцинация марказига айлантирилади, Ҳиндистонда яна рекорд, коронавирус чекловлари қаерда кучайтирилиб, қаерда юмшатилмоқда? Коронахабарлар

Германия пойтахти Берлинда жойлашган Martin Gropius Bau музейида япон рассоми Яёи Кусаманинг «Мен коинотда кўрган муҳаббат гулдастаси» ретроспектив асарини томоша қилаётган аёл.

Фото: AP Photo

Feadship компаниясининг янги Project 817 номли суперяхтаси Шимолий денгизга Нидерландия каналлари орқали олиб ўтилмоқда.

Фото: CNN

Қамоқда очлик эълон қилган Александр Навальнийни қўллаб-қувватлаш мақсадида Бурятия пойтахти Улан-Удеда ўтказилаётган намойиш вақтида полиция карнайига бақираётган аёл.

Фото: AP Photo

Балиқлар Латвияда жойлашган Вента дарёсидаги 2 метрлик шаршарадан сакраб ўтмоқда. Ҳар баҳор насл қолдириш учун балиқлар дарёнинг юқори қисмига боришга ҳаракат қилади.

Фото: Reuters

Пекинда рассом ва эко-фаол Конг Нинг Ер кунини қўллаб-қувватлаш учун ўзининг навбатдаги Kiss the Earth («Ерни ўп») номли либосини тақдим этди.

Фото: AP Photo

Австралиянинг Брисбен шаҳридаги Extinction Rebellion экологик ҳаракатининг намойишида кўмир уюми тагида ётган кичкина бола акс этган инсталляция. Ҳаракат фаоллари кўмир конларига қарши митингларни шаҳардаги бир қатор ушбу саноатда фаолият юритадиган компанияларининг корпоратив офислари олдида ўтказди.

Фото: AAP