COVID-19 тарқалиши ва об-ҳаво ўртасида боғлиқлик йўқ, Россияда ҳайвонлар учун коронавирусга қарши дунёдаги биринчи вакцина рўйхатдан ўтказилди, испанияликлар пляжда ҳам ниқоб тақиши шарт. Коронахабарлар

Сўнгги бир кеча-кундузда юз берган коронавирус билан боғлиқ энг муҳим хабарлар — «Дарё» коронадайжестида.

Жаҳон метеорология ташкилоти (ЖМТ) об-ҳаво ва коронавирус инфекцияси тарқалиши ўртасида боғлиқликни аниқламади. Бу ҳақда Россия Гидрометеорология маркази илмий раҳбари Роман Вилфанд маълум қилди.

Унинг сўзларига кўра, ЖМТ физика, тиббиёт, иқлимшунослик ва физиология соҳасидаги тадқиқотчилардан иборат гуруҳ тузган. Улар ярим йилдан ошиқроқ вақт иш олиб бориб, об-ҳаво хусусиятлари ва COVID-19 тарқалиши фаоллиги ўртасида аҳамиятли боғлиқлик йўқ, деган хулосага келган.

Вилфанднинг таъкидлашича, коронавирус инфекциясининг тарқалиши мавсум ва об-ҳаво шароитларидан қатъи назар содир бўлади.

«‘Росселхознадзор’ қошидаги Ҳайвонлар саломатлигини сақлаш федерал маркази томонидан ишлаб чиқилган, этхўр ҳайвонлар учун мўлжалланган коронавирусга қарши «Карнивак-Ков» сорбитланган фаолсизлантирилган вакцина Россияда рўйхатдан ўтказилди. У бугунги кунда ҳайвонлар учун COVID-19’га қарши дунёдаги ягона профилактика воситасидир», — деди Савенков.

Вакцинани оммавий ишлаб чиқариш апрелдаёқ бошланиши мумкин, деди у. Греция, Польша, Австрия, АҚШ, Канада ва Сингапур компаниялари аллақачон дорига қизиқиш билдирган.

Вакцинанинг клиник синовлари 2020 йил октябридан бошлаб ит, мушук, шимол тулкиси, қоракўзан, тулки ва бошқа жониворларда ўтказилган. Вакцина қабул қилган ҳайвонларда 100 фоиз ҳолатларда коронавирусга нисбатан антитаналар ҳосил бўлган. Эмлангандан кейин ишлаб чиқариладиган иммунитет камида олти ойга етади.

Янги қоидалар муддатсиз тарзда амал қилади. Бунгача очиқ ҳавода ниқоб тақиш мажбурияти одамлар орасидаги масофа 1,5 метрдан кам бўлган ҳолатларда амал қиларди.

Ниқоблардан фойдаланиш пляжларда ва бассейнлар ёнида ҳам мажбурий бўлади. Фақат ниқоб тақиш оқибатида нафас йўллари касаллиги оғирлашадиган одамлар ҳамда ниқобни мустақил тақиб-ечолмайдиган ногиронлар, шунингдек, очиқ ҳавода якка тартибда спорт билан шуғулланаётганларгина ниқоб тақмаслиги мумкин.

Аввалроқ Испанияда ҳукумат Муқаддас ҳафталик муносабати билан 26 мартдан 9 апрелгача амал қилувчи бошқа бир қатор чекловларни жорий қилган эди. Шу даврда 23:00 дан 6:00 гача комендантлик соати амал қилади, ёпиқ жойларда тўрт киши, очиқ ҳавода эса олти кишидан ортиқ одам бўлиб тўпланиш тақиқланади, ҳудудлараро ҳаракатланиш мумкин эмас.

Испания Соғлиқни сақлаш вазирлиги маълумотларига кўра, мамлакатда 3,27 миллион киши коронавирусга чалинган, шуларнинг 75 минги вафот этган. 29 март ҳолатига кўра, бир кеча-кундузда 1564 кишида COVID-19 аниқланган.

• Берлинда 31 мартдан коронавирус туфайли янги чекловлар кучга кирди. Унга мувофиқ, шаҳарликлар баъзи муассасалар, шу жумладан, сартарошхона, музей, ноозиқ-овқат дўконларига фақат манфий натижали ПЗР-тест билан бориши мумкин.
• Германияда AstraZeneca Англия—Швеция компаниясининг вакцинасини фақат 60 ёшдан ошган одамлар учун қўллашга рухсат берилди. Германия ҳукумати фикрича, ушбу ёш гуруҳида вакцина асоратларни келтириб чиқармайди.
• Италия эса мамлакатга Евроиттифоқнинг бошқа давлатларидан қайтиб келувчиларнинг барчаси учун беш кунлик мажбурий карантин жорий қилишни режалаштирмоқда. Евроиттифоққа кирмайдиган мамлакатлардан қайтиб келаётганлар учун карантин ўташ мажбурияти эса Италияда аллақачон амал қилиб келмоқда.