Акбар Ризаев Миллий масс-медиани қўллаб-қувватлаш ва ривожлантириш жамоат фонди директори этиб тайинланди. Бу ҳақда фонд матбуот хизмати хабар берди. У ушбу лавозимда ўз фаолиятини 11 февралдан бошлаган.
Бунга қадар, Акбар Ризаев Ўзбекистон Президенти Администрацияси ҳузуридаги Ахборот ва оммавий коммуникациялар агентлигининг Ахборот-таҳлилий таъминоти бўлими бошлиғи лавозимида ишлаган.
Акбар Ризаев мазкур лавозимда 2020 йилнинг июль ойидан буён директор сифатида ишлаб келаётган Александра Колесниченконинг ўрнини эгаллади.
Эслатиб ўтамиз, Миллий масс-медиани қўллаб-қувватлаш ва ривожлантириш жамоат фондининг Колесниченкодан олдинги директори, блогер Хушнудбек Худойбердиев Ўзбекистон Миллий ахборот агентлиги бош директори ўринбосари этиб тайинланганди.
Маълумот учун, Ўзбекистонда ОАВ ва блогерларни қўллаб-қувватловчи мазкур жамоат фонди 2020 йилнинг январида иш бошлаган бўлиб, Комил Алламжонов ва Саида Мирзиёева фонднинг васийлик кенгашига раҳбарлик қилиб келмоқда.
Изоҳ (0)