Самарқандда 2022 йилда бўлиб ўтадиган Шанхай ҳамкорлик ташкилоти саммитига тайёргарлик кўриш учун асосий сайёҳлик зоналарида 300 мингга яқин манзарали дарахт ва бута кўчатларини экиш режалаштирилган, дея хабар берди STVга таяниб «Gazeta.uz».
Кўчатларни экиш меъморчилик ва ландшафт дизайни талабларига мувофиқ бошланиши таъкидланган.
Вилоят ҳокимлиги томонидан тасдиқланган иш режасига биноан Самарқанд халқаро аэропорти ҳудудида, Ибн Сино, Бўстонсарой ва Университет хиёбони кўчаларида 1945 та манзарали дарахтлар ва 46,5 минг туп буталар экилади.
Бундан ташқари, Шоҳи Зинда мақбарасидан Уста Умар Жўрақулов кўчасигача бўлган 9,5 километрлик йўлнинг ҳар икки томонида 35 мингдан зиёд кўчат экилган яшил зона яратилади.
Бундан аввал Жаҳонгир Ортиқхўжаев пойтахтда 30 млрд сўмга дарахт экишни таклиф қилгани, Қарши ҳокимияти саноат зонаси қуриш учун деярли 2900 туп дарахтни кесиб ташлагани ҳамда Деҳқонободда Зарафшон арчаси кесилишига йўл қўйиб берган ўрмончилар салкам 194 миллион сўм жаримага тортилиши мумкинлиги ҳақида хабар берилганди.
Изоҳ (0)