Полиция дунё бўйлаб саёҳат вақтида йўқолган англиялик сайёҳ қизнинг жасадини Янги Зеландиядан топди. Бу ҳақда Daily Mail хабар берди.
Грейс Милланнинг жасади 9 декабрь куни топилган. У хушманзара йўл бўйлаб ўсимликлар ичидан топилган. Тахминларга кўра, қотил жасадни бу ерга ижарага олинган автомобилда келтирган, кейинроқ эса автомобилни Янги Зеландия шимолидаги Таупо шаҳри яқинида қолдирган.
«Жасадни текшириш лозим, аммо биз томондан бир неча кун ичида йиғилган далиллар у Грейсники эканлигини исботламоқда», — дейди детектив Скотт Беард.
Полиция қотилликда гумон қилинаётган 26 ёшли эркакни топиб, ҳибсга олди, аммо унинг исми ҳозирча ошкор қилинмаяпти. Ҳодиса тафсилотлари номаълум, аммо эркакка айблов қўйилган.
Миллионернинг 22 ёшли қизи Грейс Миллан 1 декабрдан буён алоқага чиқмаган. Тергов ҳаракатларидан маълум бўлишича, Милланни сўнгги марта Окленддаги CityLife меҳмонхонасида кўришган.
Изоҳ (0)