Dunyo bo‘ylab sayohatga ketgan angliyalik millionerning qizi o‘lik holda topildi

Politsiya dunyo bo‘ylab sayohat vaqtida yo‘qolgan angliyalik sayyoh qizning jasadini Yangi Zelandiyadan topdi. Bu haqda Daily Mail xabar berdi.

Greys Millanning jasadi 9-dekabr kuni topilgan. U xushmanzara yo‘l bo‘ylab o‘simliklar ichidan topilgan. Taxminlarga ko‘ra, qotil jasadni bu yerga ijaraga olingan avtomobilda keltirgan, keyinroq esa avtomobilni Yangi Zelandiya shimolidagi Taupo shahri yaqinida qoldirgan.

“Jasadni tekshirish lozim, ammo biz tomondan bir necha kun ichida yig‘ilgan dalillar u Greysniki ekanligini isbotlamoqda”, — deydi detektiv Skott Beard.

Politsiya qotillikda gumon qilinayotgan 26 yoshli erkakni topib, hibsga oldi, ammo uning ismi hozircha oshkor qilinmayapti. Hodisa tafsilotlari noma’lum, ammo erkakka ayblov qo‘yilgan.

Millionerning 22 yoshli qizi Greys Millan 1-dekabrdan buyon aloqaga chiqmagan. Tergov harakatlaridan ma’lum bo‘lishicha, Millanni so‘nggi marta Oklenddagi CityLife mehmonxonasida ko‘rishgan.