Дунё муаммоларини ўрганиш бўйича Стокгольм халқаро институти (SIPRI) томонидан эълон қилинган ҳисоботга кўра, Россия 2017 йилда қурол ишлаб чиқариш бўйича иккинчи ўринни эгаллаган. Бу ҳақда «Коммерсантъ» хабар берди.
Статистикада 100 та етакчи ишлаб чиқарувчилар бўлиб, уларнинг умумий савдо ҳажми 398,2 миллиард АҚШ долларни ташкил қилган. Хитой компаниялар рўйхатга кирмаган, сабаби уларнинг маълумотлари мавжуд эмас.Россия компаниясининг қурол экспорти ҳажми дунё бозорининг 9,5 фоизини ташкил қилди. Бу қуролли кучларни модернизация қилиш мақсадида амалга оширилган ҳарбий қуроллар хариди билан боғлиқ.Савдо ҳажми бўйича аввалгидай АҚШ компаниялари етакчи саналмоқда, 2002 йилдан буён иккинчи ўриндан жой олган Британия фирмалари учинчи поғонага тушган.Дунёнинг энг йирик қурол ишлаб чиқарувчиси сифатида Lockhead Martin Corp. ва Boeing қолмоқда, уларнинг орасидаги тафовут 11 миллиарддан 18 миллиард АҚШ долларгача ўсди.Март ойида SIPRI қурол экспортининг сўнгги икки беш йиллиги статистикасини тақдим этди. Унга кўра, 2008—2012 йиллар билан таққослаганда ушбу бозорда Россия улуши 2013—2017 йиллар билан таққослаганда 4 фоизга камайди, АҚШ улуши эса 4 фоизга ошди. Қуроллар экспорти бўйича бешликка АҚШ, Россия, Франция, Германия ва Хитой кирди (74%).Ҳиндистон, Саудия Арабистони, Миср, БАА ва Хитой қуролларнинг йирик импортёрлари (35%) сифатида қайд этилган.
Изоҳ (0)