Канадада ҳибсга олинган Хитойнинг Huawei компанияси молия директори Мэн Ваньчжоу ўзини айбсизлигини айтиб, гаровга озод қилишни сўрамоқда. Бу ҳақда «Коммерсантъ» хабар берди.
У ҳибсга олинганидан кейин саломатлиги ёмонлашгани ва гипертония ҳуружи билан касалхонага ётқизилганини айтган.
Аввалроқ, АҚШнинг Хитойдаги элчиси Терри Бранстед ХХР ТИВга чақиртирилди ва унга «қатъий норозилик» эълон қилинди. Вазирлик АҚШ Мэн Ваньчжоуни қўлга олиш бўйича мутлақо асоссиз сўров юборганини маълум қилди. ТИВ уни қайтариб олишни талаб қилмоқда.Мэн Ваньчжоуга нисбатан олиб борилаётган суд жараёнлари оқибатида Хитой Канада провинцияси савдо делегацияси билан учрашувларни бекор қилган.Мэн 1 декабрь куни HSBC банки орқали ноқонуний транзакциялар ўтказгани учун Канадада АҚШ сўрови билан қўлга олинди. HSBC банки АҚШнинг санкция остидаги мамлакатлари Эрон, Судан ва Ливияга пул ўтказмалари амалга оширгани учун айбланмоқда. Унинг қўлга олингани фонд биржаларининг тушиб кетишига олиб келди. Инвестор ва аналитиклар юқори даражадаги топ-менежернинг қўлга олиниши Хитой ҳукуматининг эътиборидан четда қолмаслик ҳамда АҚШ ва Хитой ўртасида муносабатларга ўз таъсирини кўрсатмай қолмаслигини тахмин қилмоқда.
Изоҳ (0)