«Навоийавтотеххизмат» МЧЖ «Очиқ осмон остида савдо» акцияси доирасида ҳафтанинг шанба ва якшанба кунлари Навоий вилоятининг аҳоли гавжум жойларида автомобиллар савдосини ташкил этмоқда. Бу ҳақда ЎзА хабар берди.
Ушбу хизмат орқали харидорлар GM Uzbekistan компанияси автомобилларини қулай тарзда 45 дақиқада харид қилиб, совғасига велосипед олишлари мумкин. Шунингдек, Spark русумли автомобилни харид қилган мижозларга «Навоийавтотеххизмат» МЧЖ томонидан бир марталик мотор мойи ҳамда фильтр қўшиб берилмоқда.
— Очиқ осмон остидаги автосалондан корхонамиз учун Gentra Lacetti русумли автомобиль сотиб олдик, — дейди Қизилтепа туманидаги «Усто Раҳмат Чорвадор» хусусий корхонаси раҳбари Улуғбек Сатторов. — Автосалон ходимлари томонидан бизга юқори даражада сервис хизмати кўрсатилиб, қисқа фурсатда ҳужжатлар расмийлаштирилди.
Изоҳ (0)