“Navoiyavtotexxizmat” MChJ “Ochiq osmon ostida savdo” aksiyasi doirasida haftaning shanba va yakshanba kunlari Navoiy viloyatining aholi gavjum joylarida avtomobillar savdosini tashkil etmoqda. Bu haqda O‘zA xabar berdi.
Ushbu xizmat orqali xaridorlar GM Uzbekistan kompaniyasi avtomobillarini qulay tarzda 45 daqiqada xarid qilib, sovg‘asiga velosiped olishlari mumkin. Shuningdek, Spark rusumli avtomobilni xarid qilgan mijozlarga “Navoiyavtotexxizmat” MChJ tomonidan bir martalik motor moyi hamda filtr qo‘shib berilmoqda.
— Ochiq osmon ostidagi avtosalondan korxonamiz uchun Gentra Lacetti rusumli avtomobil sotib oldik, — deydi Qiziltepa tumanidagi “Usto Rahmat Chorvador” xususiy korxonasi rahbari Ulug‘bek Sattorov. — Avtosalon xodimlari tomonidan bizga yuqori darajada servis xizmati ko‘rsatilib, qisqa fursatda hujjatlar rasmiylashtirildi.
Izoh (0)