Тошкент вилоятида ҳаракатланиш хавфсизлигини таъминлаш, йўл-транспорт ҳодисаларининг олдини олиш мақсадида сиқилган газда ишлаш учун қайта жиҳозланган транспорт воситаларининг техник холатини назорат қилиш мақсадида жорий йилнинг 19 сентябрь куни махсус тарғибот тадбири ўтказилди. Бу ҳақда вилоят ЙПХ ахборот хизмати хабар берди.
Тадбирдан кўзланган асосий мақсад хавфсизлик масаласи бўлиб, бунда вилоят ҳудудида 65 та автомобилларга сиқилган газ қуйиш шохобчаларида техник регламентлар асосида хавфсизлик қоидаларига тўлиқ амал қилинишини таъминлаш юзасидан масъул ходимлар иштирокида алоҳида суҳбатлар ўтказилди.
Суҳбат чоғида бу йўналишдаги ишларни янада кучайтириш зарурлиги, бунда ҳар бир ходимнинг шахсий жавобгарлиги ва масъулиятини оширишга алоҳида эътибор қаратилиши лозимлиги айниқса, автомобиллардаги газ баллонларининг синовдан ўтганлигини тасдиқловчи махсус ҳужжатларни мунтазам равишда текширилиши, газ қуйиш вақтида хавфсизлик қоидаларига риоя қилиш, белгиланган меъёрдан ортиқча газ қуймаслик бўйича ҳар бир ишчи-хизматчиларга тегишли тушунтиришлар берилди.
Бундан ташқари вилоят ҳудудида фаолият олиб бораётган йўл патруль хизмати инспекторлари томонидан газга қайта жиҳозланган автомобилларни текшириш борасида махсус рейдлар ташкил этилиб, рейд тадбирларида газ мосламаларидан фойдаланиш қоидаларини бузиш билан боғлиқ 56 та қоидабузарликлар аниқланиб, ҳайдовчиларга нисбатан маъмурий баённомалар расмийлаштирилди.
Вилоят ҳудудида рейд тадбирлари давом этмоқда.
Изоҳ (0)