Самарқанд шаҳридаги 3-сон туғруқ комплекс ходимлари томонидан вилоятнинг Ургут, Тайлоқ, Самарқанд тумани ва Каттақўрғон шаҳарларидаги аёлларнинг саломатликлари кенг қамровли, тўлиқ чуқурлаштирилган тиббий кўрикдан ўтказилмоқда. Бу ҳақида «Дарё» мухбири Фарҳод Норбўтаев хабар бермоқда.
Ўтказилган кўрик давомида шу кунгача 184 та аёл шифокорлар қабулида бўлган. Шуларнинг 107 нафари фелтир ёшидаги аёллар, 52 нафари ҳомиладор аёллар, 25 нафар балоғат ёшидаги қизларни ташкил этмоқда.
«Малакали акушер гинеколог, неонатолог, терапевт, УТТ мутахассислари, реаниматологлари ҳар ҳафтанинг сешанба кунлари вилоятимиз туманларидаги хотин-қизларни тиббий кўрикдан ўтказишмоқда. Аниқланган касалликлар юзасиден беморлар, айниқса ҳомиладор аёлларга тўлиқ стационар шароитида даволаш ишлари олиб борилмоқда. Аҳолини уйма-уй юриб мустахкам патронаж хизматини ташкиллаштириш, уларнинг муаммоларини ўрганиш, фертил ёшидаги аёлларни соғломлаштириш, энг муҳими аҳолини тиббий маданиятини ошириш ҳисобланади», — дейди Самарқанд шаҳридаги 3-сон туғриқ комплекси бош врачи Лола Ҳамроева.
3-сон туғруқхона шифокорлари Самарқанд шаҳридаги «Шаҳриобод», «Шарқ тонгги» ва «Сарбадорлар» маҳаллаларида ҳам тиббий текширув ишларини олиб борди. Кўрсатилган учта маҳалла хонадонларида 1023 оиладан яшовчи 6014 нафар аҳоли, жумладан 1361 нафар фертил ёшидаги аёллар, 161 нафар ҳомиладор аёллар кўрикдан ўтказилди.
Изоҳ (0)