Япония ҳукумати мактабгача таълим ёшидаги болаларга оммавий нафақа тўлаш дастурини маъқуллади, деб хабар беради «ТАСС».
Ушбу дастурга кўра, мамлакатдаги ҳар бир мактабгача таълим муассасаси босқичма босқич равишда бепул тизимга ўтади.
Ҳукумат бюджетдан ҳар бир уч ёшдан беш ёшгача бўлган болага 340 доллар атрофида нафақа тўлайди.
Ушбу суммани бериш ҳақидаги қарорни маҳаллий ўз-ўзини бошқариш органлари қабул қилади. Сумма боғча ёки шунга ўхшаш таълим муассасалари пулини тўлаш имконини беради.
Қайд этилишича, ушбу сумма ойлик даромади юқори бўлган оилалар фарзандларига ҳам тўланади.
Нафақа товар ва хизматларга истеъмол солиқларининг нархини 8 фоиздан 10 фоизгача ошириш ҳисобига молиялаштирилади.
Изоҳ (0)