Сороснинг бутун дунёни янги инқироз кутаётгани ҳақидаги фикрини Morgan Stanley раҳбари «бемаънилик» деб атади

Morgan Stanley раҳбари Жеймс Горман америкалик таниқли иқтисодчи Жорж Сороснинг бутун дунёни инқироз кутаётгани борасидаги башоратини «бемаънилик» деб атади. Бу ҳақда Bloomberg’га таяниб, Spot хабар берди.

«Тўғрисини айтганда, бу — бемаънилик. Менимча, ҳеч қандай экзистенциал хавф мавжуд эмас», — дейди Горман.

Горманнинг фикрича, инвесторлар Италиядаги инқироз оқибатида юзага келган бозорлардаги тўполонларни ва АҚШ ғазначилик облигациялари даромадининг 3 фоизда тушиб кетишини диққат билан кузатишлари лозим. Бироқ ўн йиллик облигациялар ўсишни ва ўз ортидан доллар қийматининг кўтарилиши давом этади.

Горманнинг сўзларига кўра, даромад «ақлбовар қилмас даражада изчил» бўлган Федерал резерв тизими (ФРT) ҳаракатлари ҳисобига кўтарилади. Унинг баҳолашича, ФРT таянч ставкасини жорий йилда тўрт баробарга кўтаради. Бозорларнинг ҳолатлари мавжуд муаммолардан огоҳлантираётган бўлиши, бу эса ўз навбатида Федерал резерв тизими ишини тўхтатиб қўйиши мумкин эди, бироқ Горман буларнинг барчаси содир бўлмайди деб ҳисобламоқда.

Аввалроқ Жорж Сорос бутун дунёга улкан иқтисодий инқироз хавф солаётгани ҳақида фикр билдирган эди. У доллар курсининг кўтарилиши, Эрон билан «ядровий битим»нинг бекор қилишини ва АҚШнинг Европа Иттифоқи билан ўзаро муносабатларини ёмонлашуви жаҳон иқтисодиётига салбий таъсир кўрсатишини айтган.