Ҳиндистон ва Покистон йил бошида ядро объектлари ва воситалари, шунингдек, қўшни мамлакатдаги қамоқхоналарда бўлган ушбу мамлакатлар фуқаролари рўйхатлари билан айирбошлашди, деб ёзади «ТАСС».
Ҳар йил бошида Нью-Деҳли ва Исломобод 1988 йилда имзоланган ядро объектларига ҳужумлар олдини олиш ҳақидаги шартномага мувофиқ шундай рўйхатларни бир-бирига беради.
Ушбу ҳужжат икки қўшни мамлакат бир-бирини ўз ҳудудларидаги ядро объектлари ҳақида уларга рухсат этилмаган ҳужумлар олдини олиш мақсадида хабардор қилишини кўзда тутади. Ушбу чора-тадбир Жанубий Осиёда хавфсизликни қўллаб-қувватлаш бўйича энг муҳимларидан бири ҳисобланади. Илк айирбошлашув 1992 йилнинг 1 январида бўлиб ўтди.
Бундан ташқари, бу йил томонлар бир-бирига қўшни мамлакатнинг ўз қамоқхоналаридаги фуқаролари рўйхатларини ҳам берди. Нью-Деҳли Исломободга Ҳиндистондаги покистонлик маҳбуслар — 250 нафар фуқаро шахс ва 94 балиқчи рўйхатини тақдим этди. Покистон Ҳиндистонга тақдим этган рўйхатдан эса 58 нафар фуқаро шахс ва 399 балиқчидан иборат ҳиндистонлик маҳбуслар ўрин олган. Бу одамларнинг кўпчилиги қўшни мамлакат ҳудудига ноқонуний тарзда кирганлиги ёки унинг сувларида балиқ тутганлиги учун қўлга олинган.
Изоҳ (0)