Бангладешда мьянмалик қочоқлар лагери ҳудудида Аҳмад Қодиров номидаги мактаб пайдо бўлди. Бу ҳақда Чеченистон раҳбари Рамзан Қодиров Mylistory’даги саҳифасида маълум қилди, деб ёзади ҳудудий ҳокимият сайти.
Сиёсатчининг сўзларига кўра, 348 нафар етим бола дарсларга қатнашни бошлаган, таълим олувчилар сонини минг кишигача етказиш режалаштирилмоқда. Бошланғич босқичда уларни ўқиш ва ёзишга ўргатишади. «Улар, шунингдек, Муқаддас Қуръонни ўқишни ҳам ўрганади», — деди Қодиров.
Унинг қўшимча қилишича, барча ўқувчилар кунига икки маҳал овқат ва ягона мактаб формаси билан таъминланади.
2017 йил августидан буён Бангладешга қарийб 630 минг қочоқ роҳинжалар етиб келган. Улар қўшни Мьянмани ўзларига нисбатан амалга оширилган оммавий зўравонлик туфайли тарк этган.
Изоҳ (0)