Дональд Трамп Қўшма Штатлар Афғонистонда мағлубиятга учраганидан ҳафсаласи пир бўлган, шу сабабли Исломободни танқид қилмоқда. Бу ҳақда Покистон ташқи ишлар вазири Хўжа Муҳаммад Асиф маълум қилди, дея хабар беради «ТАСС».
«Трамп АҚШнинг Афғонистондаги мағлубиятидан дарғазаб. Бу Покистонга айбловлар билан ташланаётганининг ягона сабаби», — деди Асиф Покистоннинг Geo TV телеканалига берган интервьюсида.
Вазир АҚШни Афғонистонга ҳарбий контингент жўнатганини танқид қилди ва бу мамлакатдаги можарони фақат музокаралар йўли билан бартараф этиш мумкинлигини билдирди.
Эслатиб ўтамиз, олдинроқ Трамп АҚШ Покистонга молиявий ёрдам кўрсатиб, «аҳмоқликка йўл қўйгани»ни билдирган ва мамлакатни террорчиларга бошпана беришда айблаганди.
Изоҳ (0)