Британиянинг Compass Group компанияси директори Ричард Казинс ва унинг яқинлари Австралияда самолёт қулаши қурбони бўлди. Бу ҳақда «РИА Новости» хабар бермоқда.
«Ричард Казинс ва унинг 4 нафар яқин қариндоши 2017 йил 31 декабрь куни Австралияда самолёт қулаши оқибатида ҳалок бўлганини чуқур қайғу билан тасдиқлаймиз», — дейилади компания баёнотида.
Бир моторли DHC-2 Beaver самолёти Хоксбери кўлига қулади. Унинг бортида бўлган барча 6 киши — учувчи ва 5 йўловчи ҳалок бўлди.
Маълумот учун, Compass Group таом етказиш бўйича дунёдаги энг йирик компания бўлиб, 50 мамлакатда ишлайди ва йилига 4 миллиард кишига хизмат кўрсатади.
Изоҳ (0)