Биткоин криптовалютаси йил аввалида 6 фоизга арзонлашди. Бу 2015 йилдан бери криптовалюта йилни арзонлашиш билан бошлаётган илк ҳолат, деб хабар беради «Корреспондент.net».
Қайд этиш жоизки, ўтган йилнинг илк кунларида биткоиннинг нархи 3,6 фоизга ошиб, 1000 долларга етган эди. Натижада биткоин бир йил ичида қарийб 1500 фоизга қимматлашди.
Ўтган йилнинг охирида биткоиннинг асосий тарафдорларидан бири Майкл Новограц рақамли валюта қийматининг 8 минг долларгача тушиши кутилаётгани сабабли ўзининг криптовалюта ҳеж-фондини ташкил этиш бўйича режаларини ортга сурди.
«Бизга бозор шартлари ёқмади ва биз қилаётган ишимизни қайта кўриб чиқишни истамадик. Ўйлашимча, ҳозир танаффус қилишнинг айни пайти», — дейди Новограц.
Новограц 15 декабрь куни Galaxy Digital Assets фондини ишга туширмоқчи эди, бироқ мазкур санага икки кун қолганида ўз қарорини ўзгартирди.
Изоҳ (0)