Литва Европа Иттифоқи томонидан белгиланган квота доирасида қочоқларнинг навбатдаги гуруҳини қабул қилди. Бу ҳақда журналистларга ички ишлар вазири ўринбосари Юстас Панкаускас маълум қилди, дея хабар бермоқда «ТАСС».
«Грециядан қочоқларнинг икки оиласи — ўн бир киши жойлаштирилди», — дея таъкидлади у.
1 август, душанба куни Литва суриялик икки оила — 12 нафар қочоқни қабул қилган эди. Шу тариқа, Европа Иттифоқи дастури бўйича Болтиқ давлатига жами 73 киши жойлаштирилди.
Литвага Европа Иттифоқи томонидан белгиланган квота бўйича етиб келаётган (1 105 киши) кишилар Рукла шаҳридаги қочоқларни қабул қилиш марказига уч ойга жойлаштирилади. Бу ерда улар Литва тили, жамият тизими, тарихи ва маданияти билан танишади. Шундан сўнг улар Литва бўйлаб тақсимланади.
Изоҳ (0)