Украинанинг Ан-2 енгил моторли самолёти Гиннеснинг Рекордлар китобига 60 йилдан кўпроқ вақт давомида чиқарилаётган ягона авиамашина сифатида киритилди, деб ёзади «Корреспондент.net» «Антонов» компанияси Twitter’ига таяниб.
Ан-2, бутун авиация тарихида энг кўп ишлаб чиқарилган бир моторли биплан дунёнинг 26 мамлакатига экспорт қилинган. У кўплаб мамлакатларнинг ҳарбий-ҳаво кучлари таркибида мавжуд, шунингдек, қишлоқ хўжалиги, спорт, транспорт ва йўловчи самолёти сифатида ишлатилади.
У енгил транспорт самолётлари категориясига тегишли. Ан-2 собиқ иттифоқда, Польшада ишлаб чиқарилган, ҳозирда Хитойда ҳам чиқарилмоқда. Жами 18 минг дона техника ясалган.
Изоҳ (0)