Таиланд шимоли-шарқида 5 август, жума куни рўй берган йўловчи автобуси билан боғлиқ йўл-транспорт ҳодисасида 6 киши ҳалок бўлди, 30 киши жабрланди. Бу ҳақда «ТАСС» хабар бермоқда.
Автоҳалокат тунда Накхонратчасима провинцияси ҳудудида содир бўлди. Thai PBS телеканали маълумотларига кўра, пойтахт Бангкокдан келаётган автобус кучли ёмғир пайти йўлнинг қарама-қарши томонига чиқиб кетган ва юк машинаси билан тўқнашган. Қурбонлар орасида икки транспорт воситасининг ҳайдовчилари бор.
Жароҳатланганларнинг барчаси яқин орадаги касалхонага етказилгани билдирилмоқда.
Изоҳ (0)