Икки номаълум кимса Москва шимоли-шарқида ишсиз фуқарони 8 миллион рублдан ошиқ суммага тунаб кетди. Бу ҳақда пойтахт полиция бошқармаси матбуот хизмати маълум қилди, дея хабар беради «Интерфакс».
«4 август, пайшанба куни соат 9:43 да полицияга 1969 йилда туғилган ишсиз фуқародан унга ўзи рўйхатдан ўтган Лесков кўчасидаги 9-уй олдида номаълум кишилар ҳужум қилгани ҳақидаги хабар келди. Айтишича, 9:30 да икки киши уни калтаклаб, 125 минг долларини тортиб олган ва автомобилда яширинган. Моддий зарар 8,3 миллион рублни ташкил этди», — дея хабар беради матбуот хизмати.
Эркак касалхонага етказилди ва тиббий ёрдам кўрсатилгач, кетишига рухсат берилди. Ҳодиса юзасидан «Талончилик» моддаси бўйича жиноий иш очилди.
Изоҳ (0)