26 июнь «Халқаро гиёҳвандликка ва гиёҳванд воситаларининг ноқонуний айланишига қарши кураш» куни муносабати ҳамда Наркотик моддаларини назорат қилиш бўйича Ўзбекистон Республикаси Давлат комиссияси томонидан тасдиқланган жорий гиёҳвандликка қарши кураш ойлиги доирасида Миллий хавфсизлик хизмати мамлакат ҳуқуқни муҳофаза қилиш идоралари томонидан наркобизнесга қарши кураш давомида мусодара қилинган гиёҳванд воситаларининг навбатдаги тўпламини йўқ қилиш тадбири бўлиб ўтди.
Бугун, 27 июнь куни идоралараро комиссия томонидан 1 тонна 438 килограмм гиёҳвандлик воситалари, шу жумладан, 145 килограмм героин, 655 килограмм опий, 115 килограмм гашиш, 496 килограмм марихуана, 27 килограмм кўкнори ҳамда катта миқдордаги кўкнори хашаги, наша ва психотроп моддалар ёқиб йўқ қилинди.
1994 йилдан буён Ўзбекистонда 55 тонна 438 килограмм гиёҳвандлик воситалари йўқ қилинган.
Эслатиб ўтамиз, 2015 йилда Ўзбекистонда гиёҳванд моддаларнинг ноқонуний тарқатилиши билан боғлиқ 6648 жиноят фош этилди ва 2,5 тонна гиёҳванд модда мусодара қилинди.
Изоҳ (0)