2015-yilda O‘zbekistonda 2,5 tonna giyohvand modda musodara qilindi

2015-yilda O‘zbekistonda giyohvand moddalarning noqonuniy tarqatilishi bilan bog‘liq 6648 jinoyat fosh etildi. 2014-yilda bu ko‘rsatkich 6698 ga teng edi. Bu raqamlar Vazirlar Mahkamasi huzuridagi narkotik moddalarni nazorat qilish milliy axborot-tahlil markazining yillik tahliliy sharhida keltirildi, deb xabar beradi “Gazeta.uz”.

Giyohvandlik bilan bog‘liq jinoyatlarning 3017 tasi narkotik sotish (2014-yilda — 3062), 709 tasi — giyohvand moddalar kontrabandasi (2014-yilda — 607), 1301 tasi — giyohvand moddalarga ega o‘simliklarni noqonuniy yetishtirish bilan bog‘liqdir (2014-yilda — 1320).

Hisobot davrida 2,5 tonnadan ortiqroq giyohvand moddalar (2014-yilda — 2,2 tonna), shu jumladan, 147,9 kilogramm geroin (2014-yilda — 106,5 kilogramm), 882,3 kilogramm afyun (2014-yilda — 881,9 kilogramm), 1 tonnadan ortiq marixuana (2014-yilda — 802,9 kilogramm), 250,2 kilogramm gashish (2014-yilda — 100 kilogramm), 204,7 kilogramm ko‘knor (2014-yilda — 406,4 kilogramm) hamda 7184 psixotrop moddalar tabletkalari (2014-yilda — 18590) musodara qilindi.

Yil davomida Afg‘onistondan keltirilgan “egasiz” narkotiklarni chegara hududlardagi maxfiy joylarda, shuningdek, Afg‘oniston va Tojikistondan tranzit bilan O‘zbekiston orqali o‘tgan yuk poyezdlarida yashirish bilan bog‘liq 50 ta fakt qayd qilindi. Jami 194 kilogramm narkotik, shu jumladan, 101 kilogramm afyun va 27,3 kilogramm geroin ushlab qolindi.

O‘zbekiston hududida narkotik moddalarning noqonuniy tarqatilishi bilan bog‘liq jinoyatlar tufayli 138 (2014-yilda — 100) chet el fuqarosi qo‘lga olindi. Ularning yonidan 364 kilogramm narkotik moddalar (2014-yilda — 133,3 kilogramm), 1400 dan ortiq psixotrop moddalar tabletkalari (2014-yilda — 1500), shuningdek, 7800 litr va 89,8 gramm prekursorlar (2014-yilda — 1610 litr va 262,8 gramm) topildi. Qo‘lga olingan shaxslarning ko‘pchilik qismi Afg‘oniston (33, 2014-yilda — 19), Tojikiston (27, 2014-yilda — 25), Rossiya (24, 2014-yilda — 22) va Qozog‘iston (9, 2014-yilda —5) fuqarolaridir.

Huquq-tartibot organlarining “Qoradori–2015” operatsiyasi davomida giyohvand moddalarga ega o‘simliklarni yetishtirish bilan bog‘liq 1049 holat (2014-yilda — 1125) aniqlanib, umumiy maydoni 5132 kvadrat metrga teng ekin maydonlari yo‘q qilindi (2014-yilda — 6692 kvadrat metr).

Sud organlarining ma’lumotlariga qaraganda, 2015-yilda giyohvand moddalarning noqonuniy tarqatilishi bilan bog‘liq 3523 jinoiy ish ko‘rib chiqildi (2014-yilda — 3433). 4578 (2014-yilda — 4568) shaxsga nisbatan jazo choralari ko‘rildi.