Американинг Forbes журнали 20 апрель, чоршанба куни 90 ёшини нишонлаган Буюк Британия қироличаси Елизавета II нинг шахсий бойлигини 530 миллион долларга баҳолади, дея хабар бермоқда «РБК».
Елизавета II Норфолкдаги Сандрингем саройи ва Абердинширдаги Балморал қасрига эгалик қилади. Чехиянинг Luxent агентлигидан тарихий мулк бўйича эксперт ушбу активларни тегишли равишда 65 миллион доллар ва 140 миллион долларга баҳолади. Қироличага, шунингдек, бутун мамлакат бўйлаб жойлашган қишлоқ хўжалиги учун мўлжалланган бир нечта ер майдонлари ва от фермалари ҳамда Лондондаги кўчмас мулклар тегишли.
Бундан ташқари, Елизавета II ихтиёрида заргарлик безакларидан иборат шахсий тўплам ҳам бор. Улар орасида Cartier винтаж тиараси ҳам бўлиб, унинг нархи 900 минг долларга баҳоланмоқда. Қиролича Елизавета II нинг шахсий тиаралари айнан неча пул туриши номаълум бўлиб қолмоқда, аммо улар миллионлаб долларга тенг бўлиши мумкин.
Изоҳ (0)