Польшанинг Вроцлав шаҳрида қарийб икки ой аввал вафот этган аёлнинг чақалоғи дунёга келди, дея хабар бермоқда «Вести».
41 ёшли аёл ҳомиладорликнинг 17-ҳафтасига етганида, шифокорлар унинг мияси ўлганини қайд этган эди, у саратонга чалинган эди. Аммо аёлнинг юраги уришда давом этди ва шифокорлар чақалоқнинг ҳаётини сақлаб қолишга муваффақ бўлди.
Замонавий технологиялар ёрдамида мутахассислар аёл организмининг ҳаёт учун муҳим функциялари фаолиятини қўллаб-қувватлаб турди. Она ўлимидан 55 кун ўтиб, кесарча кесиш йўли билан чақалоқни дунёга келтиришди. Бола икки килограмм вазнга эга бўлиб, деярли икки ой давомида интенсив даволаниш бўлимида ётди. Сўнг чақалоққа уйга кетиш учун рухсат беришди, уни отаси олиб кетди. Айни пайтда боланинг вазни уч килограммни ташкил этади, у бутунлай соғлом.
Изоҳ (0)