Сеулнинг бир неча ўн минг аҳолиси 5 декабрь, шанба куни Жанубий Корея президенти Пак Кин Хе сиёсатига қарши норозилик акциясига чиқди, дея хабар бермоқда «Йонхап». Улар давлат раҳбарининг истеъфосини талаб қилмоқда. Акцияда, полиция маълумотларига кўра, 14 минг киши иштирок этмоқда.
Кореяликлар Хитой билан эркин савдо бўйича эришилган битимдан норози — Пак Кин Хени маҳаллий фермерларга хиёнатда айблашмоқда. Улар хитойлик тадбиркорлар билан кучли рақобатдан хавфсираб, имтиёзлар талаб қилмоқда.
Бундан ташқари, фуқаролар тарихни қайта ёзишга уринишга қарши, хусусан, ўрта ва олий таълим муассасалари учун тарих бўйича ягона давлат дарслигини яратиш режалари уларда норозилик уйғотган.
Акция тинч ўтмоқда. Иштирокчилар ниқоб кийиб олиб, рақс тушмоқда, куйламоқда, дўмбира чалиб, шиорларни бақириб айтмоқда.
Изоҳ (0)