Қизил Хоч Халқаро қўмитаси (ҚХХҚ) 11 май куни халқаро жамоатчиликка юзланиб, Ироқ аҳолисига кўмак бериш учун 38,5 миллион доллар ажратишни сўради, дея хабар бермоқда ТАСС.
Таъкидланишича, ушбу маблағга эҳтиёж «ўз уйларини мажбуран тарк этган кишилар сони кескин ошиши» билан боғлиқ.
ҚХХҚ маълумотларига кўра, 2014 йил бошидан буён Ироқнинг ўзида кўчирилган шахслар сони 300 мингдан 2,7 миллионгача етган. Бунга «мамлакатнинг турли ҳудудларида кучайган жанглар» сабаб бўлган.
ҚХХҚ операцияси раҳбари Доминик Стиллхарт сўзларига кўра, қўшимча маблағ 900 минг кишига ёрдам бериш имконини беради. «Жазирама ёз яқинлашаётганини ҳисобга олган ҳолда, асосий приоритетимиз ичимлик суви билан таъминлаш бўлади», — деди у.
Изоҳ (0)