АҚШнинг Калифорния штатида пицца етказиб берувчи робот кўприкдан сакраш билан пўписа қилган одамни қутқарди, дея хабар бермоқда «Газета.ru».
Калифорния полициясига пичоқ кўтариб олган номаълум эркак кўприкдан сакраш билан таҳдид қилаётгани ҳақида хабар келиб тушган. Хавфсизлик мақсадида полициячилар музокаралар учун роботни юборишга қарор қилган.
Робот эркакка телефон ва пицца олиб борган. У аудио ва видео ёзиб олувчи қурилмалар билан жиҳозланган бўлган, бу полицияга эркакнинг ҳолатини баҳолаш имконини берган.
Музокаралар натижасида полиция уни таслим бўлишга кўндирган.
Изоҳ (0)