Яман ҚКнинг 4 минг кишилик армия бригадаси мамлакат президенти томонига ўтиб кетди

Яман қуролли кучлари армия бригадаси мамлакат президенти Абду Раббо Мансур Ҳодий тарафига ўтиб кетди, дея хабар бермоқда ТАСС. Улар мамлакат шарқидаги Хадрамут провинциясига кўчирилган эди.

Ушбу ҳарбий қисм қўмондони полковник Яҳё Абу Аужа айтишича, 4 минг нафар ҳарбий хизматчининг барчаси қонуний ҳукуматга содиқ эканлигини эълон қилди. У яқин орада бошқа ҳарбий бўлинмалар ҳам шунга ўхшаш қарор қабул қилишини тахмин этди.

Сўнгги вақтларгача полковник Аужанинг 135-бригадаси Ямандаги низоларда мамлакатнинг собиқ президенти Али Абдулла Солиҳ томонини эгаллаб келган эди.