Ijtimoiy tarmoqlarda 1-noyabrdan chiqindidan qarzi borlar elektrdan tо‘liq uzilishi haqida xabarlar tarqaldi. “Hududiy elektr tarmoqlari” AJ bu mutlaqo asossiz ekanligini ma’lum qildi.
Ekologiya, atrof-muhitni muhofaza qilish va iqlim o‘zgarishi vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi tomonidan chiqindi tashish va olib ketish xizmatida foydalanuvchilarga qulaylik yaratish maqsadida yangi “Toza Makon-billing” dasturiy kompleksi ishga tushirilishi munosabati bilan 2024-yil 31-oktyabr soat 23:50 dan 5-noyabr soat 23:50 gacha profilaktik ishlar olib borilishini ma’lum qilgan.
Shuningdek, agentlik tomonidan mazkur vaqt oralig‘ida chiqindi xizmati uchun barcha turdagi to‘lovlarni amalga oshirishda hamda shaxsiy hisob raqamdagi mavjud ma’lumotlarni olish, abonent to‘g‘risidagi ma’lumotlarni o‘zgartirish, qo‘shish va o‘chirishda vaqtinchalik texnik uzilishlar bo‘lishini haqida xabar bergan.
“Mazkur xabar ijtimoiy tarmoqlarda notо‘g‘ri talqin qilinishi natijasida kо‘pgina manbalarda chiqindi xizmatidan qarzi bor fuqarolar elektr energiyasidan ham uzilishi haqida ma’lumotlar tarqalmoqda”, deyiladi munosabatda.
Qayd etilishicha, ayni paytda “Hududiy elektr tarmoqlari” tomonidan prezidentning “Chiqindilarni boshqarish tizimini takomillashtirish va ularning ekologik vaziyatga salbiy taʼsirini kamaytirish bo‘yicha chora-tadbirlar to‘g‘risida”gi farmoniga asosan isteʼmolchining chiqindi bo‘yicha qarzdorlik boʼyicha ogohlantirilgandan keyin to‘lov qilmagan shaxslarning elektr uchun to‘lovlarini qabul qilishni vaqtinchalik cheklash amaliyoti joriy etilishi amaliyoti bо‘yicha texnik ishlar olib borilmoqda.
“Shu о‘rinda chiqindidan qarzdor iste’molchilar elektr energiyasidan uzilishi haqidagi xabarlar mutlaqo asossiz ekanligini ma’lum qilamiz”, deyiladi xabarda.
Oktyabr oyi boshlarida ham aholi chiqindi pulini to‘lamagani uchun elektr energiyasini o‘chirib qo‘yishni boshladi mazmunidagi xabarlar tarqalgandi. “Hududiy elektr tarmoqlari” prezidentning yuqoridagi farmoniga asosan chiqindi xizmatlari uchun oylik to‘lovlardan qarzdorligi bo‘lgan abonentlar SMS orqali xabardor qilib borish amaliyoti belgilanganini, farmon ijrosini ta’minlash maqsadida oktyabr oyidan boshlab “Hududiy elektr tarmoqlari”ning 2100 qisqa raqami orqali mazkur ogohlantirish xabarlarini yuborish amaliyoti yo‘lga qo‘yilganini bildirgandi.
Izoh (2)
Assalomu alekum men jizzax viloyati Sharof rashidov tumani OQ TOSH OTA MFY Yangiobot maxallasi marjon tepa kóchasi 27 uyda istqomat qilaman bizding maxallamizga 2 yoki 3 oyda bir moratabagina kelishadi lekin shartnomada kelishilga xar 15 ish kunida bir morata kelib tóplangan musirlarni olib ketamiz deyishgan lekin shartmomadagi ish bólmayapti uch oulik musirni birmarta kelib olib ketishadi lekin uch oylik bpulni sórab kelishadi biz shu vaxtga qadar pulni tólab keldik endi ikki yoki uchu oyda birmarta kelib musizni olib ketishsa faqat musizni olib ketga oyliqni bersak qolgan ikki oyliqni bermasak qolgan oyliq qarz xisoblanib svetimiz tarmoqdan uzlib qolsa nima bóladi buni nazoratga oladigan odam borma.
Salom