Bugun, 25-oktyabr kuni O‘zbekistonda “Qog‘ozsiz bir kun” respublika eko-aksiyasi o‘tkazilmoqda. Bu haqda Adliya vazirligi axborot xizmati xabar bermoqda.
Ta’kidlanishicha, qog‘ozdan foydalanishni qisqartirish va undan voz kechish xarajatlarni, tabiiy resurslarga bo‘lgan yuklamani, jumladan, suv va elektr energiyasi iste’molini kamaytirish hamda chiqindilar miqdorini qisqartirishga imkon beradi. Umuman olganda, bunday amaliyot davlat organlari faoliyatini yanada barqaror, iqtisodiy samarali va ekologik xavfsiz qilishga yordam beradi.
Adliya organlarida joriy qilingan elektron tizimlar sababli 2024-yilning 9 oyi davomida o‘tgan yilning shu davriga nisbatan 12,7 tonna ofis qog‘ozi tejaldi.
O‘rtacha hisobda 1 tonna ofis qog‘ozini ishlab chiqarish uchun daraxt turi va ishlab chiqarish texnologiyasiga qarab 17—20 ta daraxt kerak bo‘lishi mumkin. Shu sababli, 12,7 tonna ofis qog‘ozini tejash orqali taxminan 240 ta daraxtni saqlab qolishga erishildi.
Qog‘oz sarfini kamaytirish uchun tavsiyalar:
- raqamli texnologiyalarga o‘ting: hujjatlarni chop etish o‘rniga elektron xatlar jo‘nating.
- oqilona chop eting: faqat zarur bo‘lganda bosing, ikki tomonlama chop etishdan foydalaning.
- qayta ishlangan qog‘ozdan foydalaning: ekologik toza qog‘oz mahsulotlarini tanlang.
- fayllarni onlayn ulashing: bulutli saqlash xizmatlari va hamkorlikda ishlash vositalaridan foydalaning.
Ma’lumot uchun, o‘rtacha hisobda 1 tonna ofis qog‘ozini ishlab chiqarish uchun daraxt turi va ishlab chiqarish texnologiyasiga qarab 17—20 ta daraxt kerak bo‘lishi mumkin. Shu sababli, 12,7 tonna ofis qog‘ozini tejash orqali taxminan 240 ta daraxtni saqlab qolishga erishildi.
Izoh (0)