Ижтимоий тармоқларда 1 ноябрдан чиқиндидан қарзи борлар электрдан тўлиқ узилиши ҳақида хабарлар тарқалди. “Ҳудудий электр тармоқлари” АЖ бу мутлақо асоссиз эканлигини маълум қилди.
Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Чиқиндиларни бошқариш ва циркуляр иқтисодиётни ривожлантириш агентлиги томонидан чиқинди ташиш ва олиб кетиш хизматида фойдаланувчиларга қулайлик яратиш мақсадида янги “Тоза Макон-биллинг” дастурий комплекси ишга туширилиши муносабати билан 2024 йил 31 октябрь соат 23:50 дан 5 ноябрь соат 23:50 гача профилактик ишлар олиб борилишини маълум қилган.
Шунингдек, агентлик томонидан мазкур вақт оралиғида чиқинди хизмати учун барча турдаги тўловларни амалга оширишда ҳамда шахсий ҳисоб рақамдаги мавжуд маълумотларни олиш, абонент тўғрисидаги маълумотларни ўзгартириш, қўшиш ва ўчиришда вақтинчалик техник узилишлар бўлишини ҳақида хабар берган.
“Мазкур хабар ижтимоий тармоқларда нотўғри талқин қилиниши натижасида кўпгина манбаларда чиқинди хизматидан қарзи бор фуқаролар электр энергиясидан ҳам узилиши ҳақида маълумотлар тарқалмоқда”, дейилади муносабатда.
Қайд этилишича, айни пайтда “Ҳудудий электр тармоқлари” томонидан президентнинг “Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида”ги фармонига асосан истеъмолчининг чиқинди бўйича қарздорлик боъйича огоҳлантирилгандан кейин тўлов қилмаган шахсларнинг электр учун тўловларини қабул қилишни вақтинчалик чеклаш амалиёти жорий этилиши амалиёти бўйича техник ишлар олиб борилмоқда.
“Шу ўринда чиқиндидан қарздор истеъмолчилар электр энергиясидан узилиши ҳақидаги хабарлар мутлақо асоссиз эканлигини маълум қиламиз”, дейилади хабарда.
Октябрь ойи бошларида ҳам аҳоли чиқинди пулини тўламагани учун электр энергиясини ўчириб қўйишни бошлади мазмунидаги хабарлар тарқалганди. “Ҳудудий электр тармоқлари” президентнинг юқоридаги фармонига асосан чиқинди хизматлари учун ойлик тўловлардан қарздорлиги бўлган абонентлар SMS орқали хабардор қилиб бориш амалиёти белгиланганини, фармон ижросини таъминлаш мақсадида октябрь ойидан бошлаб “Ҳудудий электр тармоқлари”нинг 2100 қисқа рақами орқали мазкур огоҳлантириш хабарларини юбориш амалиёти йўлга қўйилганини билдирганди.
Изоҳ (2)
Assalomu alekum men jizzax viloyati Sharof rashidov tumani OQ TOSH OTA MFY Yangiobot maxallasi marjon tepa kóchasi 27 uyda istqomat qilaman bizding maxallamizga 2 yoki 3 oyda bir moratabagina kelishadi lekin shartnomada kelishilga xar 15 ish kunida bir morata kelib tóplangan musirlarni olib ketamiz deyishgan lekin shartmomadagi ish bólmayapti uch oulik musirni birmarta kelib olib ketishadi lekin uch oylik bpulni sórab kelishadi biz shu vaxtga qadar pulni tólab keldik endi ikki yoki uchu oyda birmarta kelib musizni olib ketishsa faqat musizni olib ketga oyliqni bersak qolgan ikki oyliqni bermasak qolgan oyliq qarz xisoblanib svetimiz tarmoqdan uzlib qolsa nima bóladi buni nazoratga oladigan odam borma.
Salom