Osiyo taraqqiyot banki O‘zbekistonga 400 mln dollar qarz ajratishi, mamlakatda sotilayotgan Afg‘onistonning anorli ichimligi sifat talablariga javob bermasligi, Namangandagi istirohat bog‘ida attraksion buzilib qolishi oqibatida 4 kishi jarohatlanishi — “Daryo” nashri bugun, 31-iyulda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda aholini ijtimoiy sug‘urtalash tizimini joriy etish rejalashtirilmoqda
Sug‘urtalangan shaxslarga ishsizlik nafaqasi va boshqa turdagi to‘lovlar joriy etilishi ko‘zda tutilgan.
O‘zbekiston Tatariston bilan elektropoyezd va metro vagonlari ishlab chiqarishi mumkin
Uchrashuv yakunida tomonlar loyihalarni amalga oshirish bo‘yicha hamkorlikdagi ishlarni davom ettirishga kelishib oldi.
Diyora Keldiyorova: “Qur’ada Abe bilan to‘g‘ri kelganimni hech qanday hayajonsiz qabul qildim”
Olimpiada chempioni o‘zining kuchli raqibiga qarshi jangga qanday tayyorgarlik ko‘rgani haqida gapirdi.
O‘zbekiston qonunchiligida 1-avgustdan nimalar o‘zgaradi?
Xususan, avtoraqamlar, elektr energiyasi, loyihalash va qurish hamda boshqa sohalarda o‘zgarishlar kuchga kiradi.
O‘zbekistonda qayta ishlatilishi majburiy bo‘lgan chiqindi tovarlari ro‘yxati tuzildi
Ro‘yxatdagi chiqindilarni qayta ishlash orqali atrof-muhit ifloslanishining oldi olinadi.
Qirg‘iz-o‘zbek xalqaro universiteti dekani qo‘lga olindi
Dekan va o‘rinbosarining pora olayotgani aks etgan video tarqaldi.
Shahnoza Mirziyoyeva Diyora Keldiyorovaga bir qancha loyihalarni birgalikda amalga oshirishni taklif qildi
Diyora uning taklifini mamnuniyat bilan qabul qildi.
Chorvoqdagi ziyoratgoh joylashgan qishloq chiqindixonaga aylanayotgani aytildi
Madaniy meros agentligi Toshkent viloyati boshqarmasi mutaxassislari joyiga chiqqan holda o‘rganish ishlarini olib bordi.
Namangandagi istirohat bog‘ida attraksion buzilib qolishi oqibatida 4 kishi jarohatlandi
Holat yuzasidan o‘rganish ishlari olib borilmoqda.
“Har yili soliq bilan muammomiz bo‘ladi. Mening hozir qarzim yo‘q, lekin mashinam, uyim taqiqda” — toshkentlik hunarmand
Yana bir hunarmandning aytishicha, Hunarmandlar uyushmasining guvohnomasi nusxasi soliq idoralariga olib borilsa, qabul qilinmaydi.
O‘zbekistonda sotilayotgan Afg‘onistonning anorli ichimligi sifat talablariga javob bermasligi aniqlandi
Royal brendi ostidagi anor sharbati meʼyoriy hujjatlar talabiga qay darajada mos kelishi o‘rganildi.
Osiyo taraqqiyot banki O‘zbekistonga 400 mln dollar qarz ajratdi
Pullar mamlakat moliya bozorlarini mustahkamlash va barqaror bozorga yo‘naltirilgan energetika sektorini rivojlantirish bo‘yicha tashabbuslarni qo‘llab-quvvatlashga yo‘naltiriladi.
O‘zbekiston iqtisodiyoti hajmi 100 mlrd dollardan oshgani maʼlum qilindi
Ushbu korrektirovka iqtisodiyotning norasmiy va yashirin qismini hisobga olish evaziga sodir bo‘lgan.
O‘zbekistonda ipoteka kreditlari bo‘yicha fuqarolarga to‘langan subsidiyalar yuzasidan ma’lumot berildi
2023-yilning mos davriga nisbatan 118 foizga ko‘p subsidiya mablag‘lari qoplab berilgan.
Izoh (0)