Forbes nashri 2025-yilning milliarderlar ro‘yxatini e’lon qildi. Unga kiritilgan shaxslar soni 3000 dan oshdi. Mazkur jurnal ilk bor 1987-yilda eng badavlat insonlar reytingini tuzgan, o‘sha vaqtda dunyoda atigi 140 nafar shaxsning boyligi 1 milliard dollarga yetar edi. Endilikda 2025-yilga kelib ushbu son 3028 taga yetdi. Forbes eng badavlat insonlarning umumiy boyligini 16,1 trillion dollar deb baholamoqda — bu o‘tgan yilgi summadan 2 trillion dollarga ko‘proq.
Joriy yilda Forbes o‘zining milliarderlar reytingiga 288 nafar odamlarni kiritdi, ularning umumiy boyligi 680 milliard dollarni tashkil etdi, ya’ni o‘rtacha har bir shaxsning boyligi 2,4 milliard dollarga baholanadi. Shuningdek, ro‘yxatga kiritilganlarning aksariyati (288 dan 196 nafari) o‘z boyliklarini meros qilib emas, balki mustaqil ravishda ishlab topgan.
Milliarderlarning yangi ro‘yxatiga kiritilgan taniqli shaxslar orasida sobiq kurashchi, hozir esa promouter va media magnat bo‘lgan Vins Makmen ham bor. U mustaqil tarzda boyib ketganlar reytingida birinchi o‘rinda turibdi. Vins World Wrestling Entertainment (WWE) va TKO Group Holdings asoschisi bo‘lib, hozirda WWE va Ultimate Fighting Championship (UFC) ni boshqaradi. Forbes uning umumiy boyligini 3 mlrd dollar deb baholagan.
Undan keyingi o‘rinda, ajoyib qo‘shiqlar ijrochisi va musiqachi Bryus Springstin turibdi. Forbes ekspertlari bahosiga ko‘ra, uning boyligi 1,2 milliard dollarni tashkil etadi. Uning daromadi Sony kompaniyasi bilan hamkorlikda qo‘shiqlar katalogini sotishdan o‘sgan, kompaniya xit musiqalar huquqi uchun 500 million dollar to‘lagan.
-IerkRL52.avif)
Shuningdek, aktyorlardan Arnold Shvarsenegger va Jerri Saynfeldning boyligi 1,1 milliard dollardan oshdi. Shvarseneggerning kino kassalaridan daromadi 5,5 milliard dollarni tashkil etadigan 50 ga yaqin filmda ishtirok etgan yulduzdir. Jumladan, aktyor 1988-yilda mashhur bo‘lgan “Egizaklar” komediyasidan yalpi tushumning 20 foizini (taxminan 35 million dollar) olgan.
Shvarsenegger karyerasining ilk yillaridanoq daromadini ko‘paytirish maqsadida turli biznes va loyihalarga sarmoya kiritdi. Masalan, u Kaliforniyaga ko‘chganidan ko‘p o‘tmay, bodibildingdan kelgan daromadini Santa Monikadagi turar joy sotib olish uchun ishlatdi. Shuningdek, Main Street Advisors mashhur investitsiya firmasining ilk mijozi bo‘ldi, Starbucks va Google kabi xususiy kompaniyalar aksiyalarga sarmoya kiritdi. 1996-yilda u Dimensional Fund Advisors xususiy korxonasining 5 foiz aksiyalarini sotib oldi. Bugungi kunda ushbu gigant kompaniya aktivlari 718 milliard dollarga tengdir.
Forbes ekspertlari 3028 nafar milliarder ro‘yxatiga “mashhur insonlar” toifasiga 18 nafar taniqli yulduzlarni kiritgan (o‘tgan yil 14 ta edi) va ularning umumiy boyligini 39 milliard dollar deb baholagan (o‘tgan yil 31 milliard dollar edi). Ularning orasida eng boylari rejissyorlar Stiven Spilberg (5,3 milliard dollar) va Jorj Lukas (5,1 milliard dollar) va Maykl Jordan (3,5 milliard dollar) lardir.
Izoh (0)