Milliarder insonlar hech qanday qiyinchilik ko‘rmay, hayotning achchiq-chuchugini tatimay ulg‘aygan, degan xato tasavvur bor. Hattoki, ular bolaligida kambag‘allikda kun kechirgan bo‘lsa ham, boylikka firibgarlik yo‘li bilan yoki turli aloqalar vositasida osongina erishgan, degan fikrlar ham yo‘q emas. Ammo bugungi qahramonlarimiz muvaffaqiyatga o‘z mehnati va aql-idroki bilan erishgani shubhasiz.
Ralf Loren (umumiy boyligi 6,3 milliard dollar)
Ralf Loren amerikalik moda dizayneri, xayriya ishlari faoli va biznesmen. U ko‘p milliard dollarlik global korxona Ralph Lauren korporatsiyasi bilan mashhur. Loren muhojirlar oilasida tug‘ilgan: bolaligida u ota-onasi hamda uch aka-singlisi bilan bir xonali kvartirada yashagan. Uning otasi binolarni bo‘yoq bilan ta’mirlash ishlari bilan shug‘ullangan, onasi uy bekasi bo‘lgan.
Ammo Lauren bolaligidanoq tirishqoq yigit bo‘lgan. U 1957-yilda DeWitt Klinton o‘rta maktabiga o‘qishga kirgunga qadar Manxetten Talmud akademiyasida kunduzgi maktabda o‘qigan, kechalari esa ishlab, oilasiga moliyaviy yordam bergan.1 bizning qahramonimiz yoshligidanoq mashhur millioner bo'lishini bilar edi. Ralf 12 yoshida o‘zining birinchi kostyumimni sotib olgan. Universitetga kirgach, Kalvin Klein va Robert Denning kabi mashhur moda dizaynerlari bilan birga Bronksdagi bir nechta dizayn professionallaridan biriga aylandi. Hozirda u ta’sis qilgan Ralph Lauren kompaniyasi butun dunyoga mashhurdir.
Yan Kum (umumiy boyligi 9,2 milliard dollar)
Kelib chiqishi ukrain bo‘lgan amerikalik biznesmen va kompyuter dasturchisi Yan Kum mobil xabar almashish ilovasi — WhatsApp asoschisi va sobiq bosh direktoridir. Ilova 2014-yilda Facebook tomonidan 19,3 milliard AQSh dollariga sotib olingan.
Yan Kum yoshligida oziq-ovqat do‘konida farrosh bo‘lib ishlagan va o‘zining birinchi pullarini topdi. U bolaligida onasi va buvisi bilan yashagan, oradan ko‘p vaqt o‘tmay onasi saraton tufayli nogiron bo‘lib qolgani uchun yigit barvaqt ulg‘ayishga majbur bo‘ldi. Shunga qaramay, Jan ishlayotganda maktabni ham, universitetni ham tugatishga muvaffaq bo‘ldi.
2009-yilda Kum iPhone sotib oldi va App Store do‘konida butunlay yangi ilovalar sanoati paydo bo‘lishini tushundi. U Do‘sti Aleks Fishman bilan yangi ilova —WhatsApp’ni yaratdi. Bir hafta o‘tgach, 33 yoshga to‘lgan kuni Kaliforniyada WhatsApp Inc kompaniyasiga asos soldi.
Fransua Pino (umumiy boyligi 28,5 milliard dollar)
Tadbirkorning yoshligi ham kambag‘al va qiyinchiliklar bilan kechgan. Milliarder keyinchalik o‘zi aytib berishicha, u tengdoshlari tomonidan qashshoqligi tufayli doim haqorat qilingan, shuning uchun u 16 yoshida maktabni tashlab ketgan va pul topishga kirishib ketgan. So‘ng Pino ta’minotchilardan birining qiziga uylanadi. Qaynotasi unga biznes qilishga yordam beradi. Kapitalini omadli sarmoya va birjaga qo‘ygani unga foyda beradi. Hozirgi vaqtda u jahon brendlari Yves Saint Laurent, Bottega Veneta, Stella McCartney, Alexander McQueen, Gucci modalar uyi va Christie’s auktsion uyiga egalik qiladi.
Sheldon Adelson (umumiy boyligi 41 milliard dollar)
Bir vaqtlar Adelsonlar oilasi non va suv bilan kun kechirardi: uning otasi oddiy taksi haydovchisi bo‘lgan, bolalari yerda uxlagan. Sheldon 12 yoshida ish boshlagan, keyinroq broker, sarmoyador va moliyaviy maslahatchi bo‘lgan. U 50 ga yaqin kompaniya ochgan va 2008-yil inqirozida deyarli hamma narsani yo‘qotgan.
Ammo bundan so‘ng u dunyodagi eng yirik kazino — Las-Vegas Sands’ni tashkil qilgan va Qo‘shma Shtatlarning siyosiy “donorlari” dan biriga aylangan. U AQSh Respublikachilar partiyasining yirik homiylaridan va Donald Trampning eng nufuzli tarafdorlaridan biri bo‘lgan. 2016 yilgi saylov kampaniyasi vaqtida Adelsonni “Trampning hamyoni” deb atashgan.
Las-Vegasdan tashqari Makao va Singapurda kazinolarga egalik qilgan milliarder Sheldon Adelson 87 yoshida saraton tufayli vafot etgan.
Larri Ellison (umumiy boyligi 64,1 milliard dollar)
Amerikalik biznesmen va Oracle Corporation dasturiy taʼminot kompaniyasining asoschisi. 1977-yildan 2014-yilgacha Oracle kompaniyasining bosh ijrochi direktori bo‘lgan va hozirda uning texnologiya bo‘yicha bosh direktori va ijrochi raisidir.
Ellison chaqaloqligida og‘ir kasal bo‘lib qolganida, uning 19 yoshli onasi bolani qarindoshlariga berib yuborgan. Keyin uni boqib olgan xolasi Larri yosh bola paytida vafot etadi. Ellison onasining ismini bilmagan va 48 yoshga to‘lganidagina u bilan uchrashgan.
O‘smir yoshida. Ellison Kaliforniyaga otlanadi va o‘zini boqish uchun 8 yil davomida qora ishda mehnat qilishga majbur bo‘ladi. 1977-yilda Ellison dunyodagi eng yirik texnologik korporatsiyalardan biri — Oracle’ni yaratdi.
Izoh (0)