Ismlari ko‘pchilikka ma’lum bo‘lmagan, ammo mahsulotlari hamma joyda ishlatiladigan eng badavlat odamlar

Ommaviy axborot vositalarida shovqin-surondan uzoqda yashashni afzal ko‘radigan va ularni tanishlarini xohlamaydigan milliarderlar ham bor. Ularning ko‘pchiligi boyligi va mavqeyidan boshqalarga yordam berish uchun foydalanadilar.

Shokolad qirolichasi

Mariya Franka Fissolo eng yirik shirinlik ishlab chiqaruvchilardan biri bo‘lgan Ferrero brendining egasidir. Ayollarning xususiy kapitali 2,2 milliard dollarni tashkil etadi. Hozir u 84 yoshda, so‘nggi 8 yil davomida u o‘g‘li Jovanni Ferrero bilan birga oilaviy biznesni boshqaradi. Kompaniya tarkibiga Nutella, Kinder, TicTac, Mon Cheri va Ferrero Rocher kabi mashhur brendlar ham kiradi.

Onlayn do‘kon qiroli

Pyer Omidyar nafaqat eron-amerikalik milliarder, balki texnologik tadbirkor, xayriyachi va 6,4 milliard dollarlik dasturiy ta’minot investori hamdir. U odamlarga xohlagan narsalarini sotib olish va sotishga imkon beradigan eBay saytining rahbari hisoblanadi. Pyer va uning rafiqasi Pam xayriya tashkilotlari tarmog‘i bilan ishlaydigan yirik xayriyachilardir. Hozirgi vaqtda Omidyarning asosiy aktivlari eBay aksiyalari va PayPal to‘lov xizmatidir.

Snapchat qiroli

Snapchat — Amerikadagi eng mashhur ilovalardan biri hisoblanadi. U odamlarga fotosuratlarni almashish, fotosuratlar va videolarni nashr qilish imkonini beradi. 2020-yil holatiga ko‘ra, Snap Inc. qiymati 50 milliard dollarni tashkil etdi. Ilovaning boshida Stenford universitetining uch talabasi turadi. Ulardan biri iste’dodli dasturchi va yosh milliarder Bobbi Merfi.

Moda qiroli

Amatsio Ortega — ispaniyalik milliarder, uning boyligi 108,1 milliard dollardan ortiq. Ehtimol, uning Inditex kompaniyasini ko‘pchilik bilmas, lekin Zara’ni hamma taniydi — bu Amatsioga tegishli mashhur moda do‘konlari tarmog‘i. Uning hisobida, shuningdek, Gravis, Confecciones Goa, Uterque, Bershka va Fundacin Amancio Ortego bor. Hozir Ortega Ispaniyadagi eng boy odam — bu yil u 87 yoshini nishonladi.

OAV qirolichasi

Hearst korporatsiyasi Uilyam Rendolf Herst tomonidan asos solingan, Cosmopolitan, Esquire, ESPN va boshqalarni o‘z ichiga olgan ulkan media konglomeratdir. Bu imperiyaning vorisi go‘zal Amanda Herst. Fordham universiteti bitiruvchisi, u Marie Claire muharriri bo‘lgan va hozirda Maison de Mode asoschisi. Bundan tashqari, Herst hayvonlarni himoya qilish tashkilotlariga asos solgan.

Lego qirolichasi

Sofi Kirk Kristiansen dunyodagi eng boy ayollardan biri va Lego egalarining to‘rtinchi avlodi vakili. Dunyodagi eng yirik o‘yinchoq ishlab chiqaruvchi kompaniyalardan birida u aksiyalarining 75 foizini akalari va otasi bilan baham ko‘rdi. Natijada uning xususiy kapitali 8 milliard dollardan ziyodni tashkil etmoqda. Sofi 1932-yilda Lego kompaniyasiga asos solgan Ole Kirk Kristiansenning nabirasi. Hozir kompaniya yiliga o‘rtacha 6,7 milliard dollar daromad oladi. Sofi shuningdek, mashhur ko‘ngilochar parklar operatori Merlin Entertainment Group kompaniyasining yarmiga egalik qiladi.

WhatsApp qiroli

Ukrainada tug‘ilgan Yan Kum 90-yillarning boshlarida AQSHga ko‘chib o‘tgan. O‘qish paytida u Ernst & Young kompaniyasida xavfsizlik bo‘yicha tekshiruvchi bo‘lib ishlagan. Ayni paytda Forbes iste’dodli dasturchi boyligini 16 milliard dollarga baholamoqda. Kumning asosiy aktivi tarmoq giganti Facebook aksiyalari hisoblanadi.

Ismlari ko‘pchilikka ma’lum bo‘lmagan, ammo mahsulotlari hamma joyda ishlatiladigan eng badavlat odamlar

Mavzuga doir

Izoh (0)

Daryo.uz | Sizning muammoingiz yechimi