Milliarder Ilon Maskka tegishli SpaceX kompaniyasi ilk bor kosmik sayyohlar bo‘lgan Crew Dragon kemasini orbitaga uchirdi.
-NhsaIS9-.avif)
Fram2 missiyasi ekipaji Yer qutblari ustidan 425–450 km balandlikda parvoz qiladi. Parvozning bosh homiysi Maltadan bo‘lgan xitoylik tadbirkor va tadqiqotchi Chun Van hisoblanadi. U parvoz uchun qancha sarflagani noma’lum, bitim qiymati oshkor etilmagan.
Ekipaj tarkibiga norvegiyalik rejissyor Yannike Mikkelsen, avstraliyalik tadqiqotchi Erik Filips va germaniyalik birinchi ayol kosmonavt Rabeya Rogge ham kirgan. Ular birinchi marta kosmosga chiqqan.
Fram2 missiyasi uch kundan besh kungacha davom etadi. Ekipaj a’zolari qutb yog‘dusiga o‘xshash “Stiv” atmosfera hodisasini o‘rganadi, kosmosda rentgen suratlarini oladi va parvozning sog‘liqqa ta’sirini baholaydi. Ekipaj Starlink router orqali internetga ulanadi.
Ular insoniyatning koinotni uzoq muddat davomida o‘rganish imkoniyatlarini kengaytirish va kosmosda inson salomatligini tushunishga yordam beradigan 22 ta ilmiy tadqiqot o‘tkazadi. Ekipaj orbitada bo‘lgan davr mobaynida ilk bor rentgen suratini olishni, mushak va skelet massasini saqlab qolish uchun tadqiqot mashqlar amalga oshirishni hamda mikrogravitatsiya sharoitida zamburug‘larni yetishtirshni rejalashtirmoqda, deyiladi xabarda.
Eslatib o‘tamiz, 10-sentyabr kuni SpaceX kompaniyasi Polaris missiyasini muvaffaqiyatli uchirgan holda ilk xususiy koinotga parvozni amalga oshirdi. Ikki yillik tayyorgarlik va bir necha kechiktirilgan parvozlardan so‘ng, Polaris Dawn missiyasining to‘rt nafar astronavti SpaceX kompaniyasining Dragon kemasi va Falcon 9 raketasida muvaffaqiyatli parvoz qildi.
Ular eng uzoq va baland orbital parvozni amalga oshirib, ilk bor kosmik sayyohni ochiq kosmosga olib chiqishi kerak edi. 15-sentyabr kuni Crew Dragon kemasi Polaris Dawn tijorat missiyasining to‘rt nafar astronavti bilan Yerga muvaffaqiyatli qaytib keldi.
Izoh (0)